Foodie 生活雜誌

若你的住宿預算有限，西新宿my stay 係一個不俗的選擇。位置距離繁忙的新宿站東口只需10分鐘左右的步程，酒店附近有便利店，餐廳齊備。當然無東口及南口附近的酒店咁方便，但卻有點靜中帶旺的休閒感。酒店大堂喺一樓，要行一條長長的樓梯，雖然停車場後有電梯直達，但晚上十時後電梯停止服務。當你一日走左好多路以後仲要行一條長樓梯，有點掃興。除此以外，用價錢來衡量，酒店各方面都好滿意。

房間係一般的小，不過衛浴相對其他同類型酒店大，標準浴缸，洗手盤與馬桶並列，算寬敞，房間已有點年紀，但乾淨整潔。我總共住左五晚，首三晚入住高級雙床間，另外兩晚入住豪華雙床間。

酒店客戶服務非常有效率，我喺入住前以電郵拜託職員為我於餐廳訂位，職員回覆非常快，幾乎係立即回覆，而且英文程度好，雖然有d餐廳訂位並不成功，但亦非常感謝佢地幫助。

經booking.com 訂 : 

http://www.booking.com/hotel/jp/nishi-shinjuku-hotel-mystays.zh-tw.html

高級雙床間 : 開門一眼見哂，兩張單人床中間距離約半尺，床尾勉強可同時平開兩個29吋大喼，經booking.com訂，每晚連稅9000日元，唔包早餐。

豪華雙床間 : 面積較大，床尾有空間放小茶几及一張單坐梳化椅，衛浴面積跟高級雙床間一樣。每晚連稅11700日元，唔包早餐

往酒店大堂的長樓梯