image  

 

我和Dior 的華麗邂逅
喜歡時裝,就算買唔起,著唔到,但睇下都開心。現今一講起時裝,最常聽到係「今期興咩?」其實好多品牌背後都有一個故事,有些更是經典,就如Dior。時裝世界同電影一樣,都係夢工塲,從無到有,在fashion show 內的短短半小時,奢華貴麗,但背後團隊所付出的人力物力,所花的心機心血,所承受的壓力,實在不足為外人道,睇完呢套紀錄片後絕對感受得到。此片記錄時裝設計師Raf Simon 入主Christian Dior後第一個 haute couture collection由設計,製造到fashion show 期間7個星期內的過程。紀錄片並不側重於設計師Raf 上,記錄的係整個團隊的努力,中間切入Mr. Dior 自傳式片段,令人對品牌更加深認識,整個故事更立體。片中重點落在製作haute couture 的一班縫紉師團隊上。形容佢地為品牌的靈魂都不為過,每人都手藝非凡,極度專業,將設計師的意念化成實物,製造出一件又一件如藝術品一樣的雲裳。團隊內各人對工作不單係充滿熱誠,簡直係熱愛。睇到最後近開show 時,自己都不自覺地緊張起來。見臨開show 前設計師同負責人兩個大男人心情緊張忐忑得流淚,到完show後再流下喜悅的眼淚,好真實,好感動。加上影埋開show 前Anna Wintour見到將舊宅裝飾成繁花似錦的空間,忍不住問Raf個show 係咪無budget 時,真係笑左。喜歡時裝的可以一看,就係睇fashion show 會塲的裝飾都夠。

 

  

arrow
arrow
    全站熱搜

    Hearoom 發表在 痞客邦 留言(0) 人氣()