Jubba私房菜@bangkok
同喜歡食嘢的人傾偈真係好開心。話說攞住「舊日子」雜誌的餐廳介紹去問酒店職員點去，見職員睇到皺哂眉，再話我知雜誌介紹的海南雞飯個地址其實係雪糕店，我當然去唔到，所以就順口問下職員有咩介紹，佢立即兩眼發光，一副胃食樣走哂出來，之後就推介呢間餐廳。職員話佢自己幫襯過幾次。姑勿論結果食物是否好味，（始終口味每人不同）但整個談話過程都係十分開心，我亦十分多謝佢。
回說餐廳，要先預訂，價錢由560B起，唔可以點菜，自行開價，講低有咩唔食，其他由廚師話事。我地點左1000B一位(約港幣$250)。酒店職員代為溝通同訂位，大家興奮地出發去神秘餐廳。地點在 BTS Chong nonsi站附近的小巷內，照住地圖，好易揾到。小店好精緻，老闆娘亦即係廚師，非常nice，睇得出店主好有心機去經營小店，食物賣相漂亮，味道唔錯，但又唔係特別好，似去人家屋企食飯。若食開餐廳同food court想轉換下環境，呢類型食店都係一個選擇。
店子在兩層小屋2/F
樓梯都有裝飾
接待處好多ZAKKA小雜貨
洗手間設在樓下，乾淨但好多蚊
店主喜歡去遊行，牆上貼滿post card同佢四圍去的照片，小小飯廳，只有四張枱，可容納20人左右，有一角用來出售店主好友設計的衣物。
飯廳掛住好多店主的畫家朋友畫的畫，其中一張係佢的人像，係咪好似？飯後大家傾講，原來店子已開業14年，之前在SIAM，近幾年先搬嚟。店子serve lunch 同dinner, 夜晚8:30關門，店主可用英文溝通，個人勁nice, 同我地傾得好開心。
再來介紹食物, 今晚共有六道菜
士多啤梨雜飲，配埋隻杯，好可愛。
頭盤沙律 有生菜，石榴籽，蓮霧，梨，生菜，rocket，加d花瓣，靚靚。最好食係個沙律汁，似日本醋汁，但又帶甜，醒神開胃。
米粉卷加豬肉炒蝦做topping,其實即係炒米粉fusion 版
簡單的steak 雞脾菇又甜又好味
黑椒雜錦炒大蝦 油左d
清湯冬蔭公， 有魚同草菇做配料， 咪睇咁清， 幾辣下， 但好味
香草薑飯
芒果糯米飯
就係一個簡單廚房變出多樣美食
樓下有間麵包工房，睇牆上報導的相似係為老人家服務的麵包班。
如何去？坐BTS 到chong nonsi站(S3)往exit 1, (格1) 過橋後右手面樓梯落橋，左手面第一條窄巷(格2,3,4)，巷口見到好大個，Sathon Inn banner(格5)，向前行留意左手面，見到肥嘟嘟石膏公仔個門口就係，餐廳在2樓(格6&7)
咭片都用畫像，好可愛。有興趣可send email 或LINE真接揾佢
文章標籤
全站熱搜
留言列表
香港食食食 (25)
