有驚喜的一餐。老遠由京都轉幾次車來，店子在河邊的老屋，內裡小小的，家庭式格局，可容納坐十多人。女侍應居然能講流利英語，估唔到。book位時已選了廚師發版套餐，唔知食咩，所以一直食一直有期待，廚師煮得味道好之餘又有心思，讚！另外呢度用的碗碗碟碟都係古董，有d話係明朝，有d又話有二百年，信不信由你，但真係幾靚。
一路行，一路諗：呢d鄉下地方會有好嘢食？間鋪就在爛鐵屋隔離。
被安排坐吧枱，從坐位望出去，小窗框框著的風景就係一幅畫。
一個小小廚房，魔術一樣變出美食。
所有熱食的碟都先浸熱再用，以保持温度，好細心。
自家製梅酒，好好味，愛上梅酒，今個trip係咁飲。
師傅從爐中攞幾舊備長炭出來，放在碟中，原來係在我地面前烤一下魚的皮。之後切件，不知名刺身淋上美味醬汁，食完再食紫蘇冰沙，好特別。
用蠔殼蓋住的蠔天婦羅。炸漿極薄，外熟內生，火喉剛好，鮮甜美味。
三款魚生 : 雞泡魚，𩶘魚，甜蝦。雖然普通，但都好新鮮。師傅將棵三葉放好當墊，再在上面放好三小碟，好有心思。
一開始師傅已show 隻龍蝦比我地睇，以為做刺身，原來係白麵豉湯。個湯鮮甜到不得了，龍蝦未熟透，鮮甜彈牙，呢個湯令我極回味。
跟住師傅攞舊肥豬肉般的拖羅出來，將部分切條( 梗係唔會比哂成舊你) 浸在醬油中，唔知搞邊科？
之後上兩個籠仔蒸飯。一邊係𩶘魚飯，另一邊係壽師飯，原來浸左醬油的拖羅係用來包壽司飯食，入口即溶，oishi !
又比隻蟹我睇，有埋tag, 保證新鮮。以為生食？錯！蒸熟後拆肉，生蟹膏淋面，再加兩塊松茸，香氣撲鼻，可惜份量少左d
烤牛肉粒配北海道根室海膽。旁邊的係海老芋，鮮甜海膽配juicy牛肉，無嘢講。侍應攞左個芋頭真身出來，原來因為似隻蝦，所以叫海老芋。味道已忘記了，因為牛肉海膽太搶。
天婦羅時間。有深喉魚(師傅話very expensive，我唔識，但好味)蕃薯，冬菇，蓮藕。炸漿極薄，咬落無油但香口，又唔滯，正! 但回來睇其他blog先知原來老闆做的更好。我當然無緣一試，但已好滿足。以我呢d level, 再好都食唔出。
呢個係自家製soba , 在大舊四方冰上挖個窿來裝，唔食得都睇得。呢個當然食得又睇得。soba彈牙，下面有蛋及wasabi，食完叫我地捧起飲埋個汁，幫我地影埋相，好nice.不過捧住咁大舊冰飲，好似好儍咁。
文章標籤
全站熱搜
留言列表
香港食食食 (25)
