4/2018光顧
對於小店可以開分店特別感到高興，所以一定要幫襯。本店在深水埗，位置吊腳，雖然天后呢間都唔就腳，不過係我活動範圍。湯粉繼續大大碗，水準普通，不過真材實料唔口渴，價錢合理，簡單一餐，係雲吞麵以外的選擇。仲有越式三文治，有機會再試下。
- Jun 18 Mon 2018 15:53
Q1第一郡@天后威菲路道
- Jun 17 Sun 2018 11:06
Eatalian食意 @深水埗荔枝角道
- Jun 17 Sun 2018 10:11
金葉小菜館@佐敦庇利金街
- Jun 14 Thu 2018 18:18
Ralph’s coffee@尖沙咀ocean centre
- Jun 13 Wed 2018 21:30
亜古鍋@銅鑼灣金朝陽中心二期
4/2018光顧
對於某些食物總有情意結，喺餐牌見到就會點。例如生牛肉河、魚湯米線、蟹餅同今次的海南雞飯。以上食品我都仍未揾到百份百啱心水的餐廳，今次點的海南雞飯套餐，一碟雞，油飯，包一個燉湯，份量足，主角海南雞水準一般，反而油飯同燉湯不俗。附近的高薪一族不妨來食個午顫小菜套餐，嘆下靚湯。餐廳晚上係火鍋店，格調高雅，坐得舒服，以呢類裝修的餐廳來講，午餐我少有地食得飽。
- Jun 12 Tue 2018 22:14
鮨慎@中環(晚餐篇)
4/2018光顧
之前食過午餐，覺得食材、出品同環境都唔錯，決定試下晚餐。結果有點失望，晚餐的壽司同午餐一樣，其他的酒肴唔突出，唔值得我再花一倍價錢去食，都係食午餐就好了。食完之後好有空虛感，之後要再食一餐壽司補數。
- Jun 12 Tue 2018 00:29
今鮨@中環皇后大道中萬年大廈
4/2018 光顧
餐廳雖然位處中環，但絶對唔係一間高規格的鮨店。吧枱後面似雜架攤，若你去日本人主理的鮨店好少係咁，就算唔高級都起碼整齊，店員至師傅都似茶餐廳伙記。壽司一路食一路有好熟悉的感覺，原來兩位師傅都來自另一間我曾經食開的鮨店，難怪所有壽司做法熟口熟面 (不過整體質素有差距)。壽司做法花巧，雖然食材不俗，但醬油過多，完全蓋過魚的鮮味，食濃味的魚還可以，若食白身魚就好受扞擾。食左幾件已經叫師傅落醬輕手d，但唔知係習慣定唔啋我，無改善。不過百客遇百貨，呢餐起碼食得飽 (要求愈來愈低😭）。
- Jun 09 Sat 2018 09:23
河內大娘@尖沙咀漆咸道南
- Jun 08 Fri 2018 09:37
俺流塩 らーめん@葵芳新都會廣場
4/2018光顧
應該係葵芳最好的拉麵 ，因為葵芳好似得一間拉麵店😜。因為餐廳喺電梯底，開放式，所以一向無想過要食，見駕駛員喜歡食拉麵，陪下佢。入座後見到介紹係由涉谷來的過江龍，(好似所有拉麵都在香港開分店咁)，我唔知佢有乜特色，只知道味道麻麻，湯底、叉燒同蛋都唔得，只有麵條不俗， 試過就算。
- Jun 07 Thu 2018 10:13
2018東京遊 Day 8 遊記篇 華巖瀑布、東照宮@群馬
一早出發，先往華巖瀑布，途經著名的日本車道百選之一的日光いろは坂 (日本特別多呢類排名，其實唔使咁認真），比車手過下癮。車道分第一和第二いろは坂兩段，一進一出。原本第一站係日光明智平展望台，坐纜車上展望台可以一覽華巖瀑布全景。瀑布好特別，係中禪寺湖底因爲壓力而破出一個缺口，水從缺口向下流，形成瀑布，所以一定要往展望台睇全景至有意思，可惜當日居然遇到纜車維修！殘念！！唯有直接開車往華巖瀑布，但已經唔係嗰回事，若無左個湖，只看瀑布，就係一條普通的瀑布。之後再往東照宮，由於團友們興趣不大，想去宇都宮shopping，所以東照宮無入、神橋都無去，只匆匆在東照宮外圍逛一下就離開。之後往宇都宮行街晚飯。翌日去完outlet 就坐飛機回香港，九天旅程結束。
香港食食食 (25)
