Foodie 生活雜誌

4/2018 光顧

餐廳雖然位處大街，但人流唔太旺，好易走漏眼。我係平日六點幾到，餐廳無人，但用餐期間見客人陸續來到，大部分已訂位，似乎幾好生意。第一次來係睇戲前快手快腳食碗麵，出品不俗，湯底香濃認真，決定擇日再來認真食晚餐。晚餐點左多款食品，除左咖哩雞之外，其他食物都不俗，值得一試。不過坐位迫夾同無甜品供應，唔好預坐得耐。

餐廳細細間，樓面全女班，家庭式經營就對出品及服務都幾緊張。

飲品點左芒果沙冰、菠蘿沙冰同椰青。沙冰雖然唔太起沙，但飲得出係鮮製，唔係罐頭貨，甜度適中，芒果沙冰食到果肉。椰青清甜。

小食拼盤 賣相靚靚，食物全部熱辣辣，春卷及蒸粉餅饀料充足，蝦餅彈牙，不過牛油雞翼無牛油香

蝦頭膏炒高麗菜 味道有點似馬拉盞，充滿咸香

香茅燒魚 魚肉清香嫩滑，啖啖都係香茅的清香，好好味

軟殼蟹紙米卷 粉絲佔大多數，食唔出軟殼蟹的味道。

燒乳豬 外皮酥脆，好香口，肉嫩juicy，好入味，食落有點似咸豬手

香茅煮大蜆 蜆肉肥厚鮮甜，用香茅湯浸住，清香撲鼻。係好味的，不過唔知點解令我想到洗潔精味。

咖哩雞 雞肉嫩滑，但咖哩味道太濃，似印度咖哩，食完有點口渴。

薄餅 薄餅酥軟，熱辣辣，不俗

鮮茄蟹肉湯檬 湯底香濃，充滿海鮮味，寫明係自家手拆蟹肉，但除左第一口食到之外，之後都唔覺，不過都好足料，肉丸彈牙，蝦新鮮，好味。

生牛肉河 湯底清甜夠熱，牛肉滑，河粉有點厚，味道可以，但唔突出。