Foodie 生活雜誌

11/2021光顧

專食鰻魚的餐廳，除左鰻魚飯，仲有沙律、串燒等小食，餐廳領有酒牌，可以來飲番杯，細細間，好骨子。餐廳標榜食日本鰻魚，即點即燒，從生燒到熟，等候需時，絶無欺塲。喺香港硬係食唔到好肥美鰻魚，呢間都無例外，質素唔算突出，但又唔差，做到日本一般店舖的鰻魚飯水準 ，距離好好食有一段距離。若無得去日本都可以來食下，不過價錢係日本的一倍😅

11/2021 光顧

喜歡食台灣牛肉麵，不過呢間太遠，遲遲未試，今次入outlet散財，有機會一試。食完後只覺食物水準一般，不過幾個呀姐的服務一流，態度友善殷勤，非常敬業

11/2021光顧

餐廳賣點係居高臨下的海景view，總廚來自西西里島，所以餐牌內海鮮菜式較多。pasta好食，其他食物味道不俗但無驚喜，感覺平凡，有點失望。午市套餐4 course唔包飲品，所以若來食飯真係要book窗邊位至值。

10/2021光顧

10/2021 光顧

喜歡東北菜，以前返國內小旅行一定會食。呢間餐廳有幾間分店，菜式多，味道唔錯，雖然枱細位迫，但價錢經濟，無乜要求。

10/2021光顧

行過見午市套餐幾吸引，又試下。味道可以，可能因為百物騰貴，餐廳又唔敢加價，唯有減份量，但減量唔換碟，結果碟碟菜都好似好凋零咁，真係生意難做。午市都可以食火鍋，好似有點heavy，但都幾多人食喎，可能來火鍋店真係應該食火銅，食乜鬼套餐吖。

10/2021光顧

完成大嶼山自駕遊後例牌去東涌outlet 放低銀両。今次財散人安樂後去食酸菜魚。我對商場内的食店一向期望，但今次食物比我想像中好，餐廳算係商場內的一個選擇。

10/2021 光顧

好耐無去梅窩，而家區內有好多餐廳，當日入去食lunch，介紹話餐廳pizza唔錯，一於試下。餐廳近海，半開放式坐位，若停車場無泊車的話，可以嘆住海景食飯，爽YY。幾個年經人經營的小店，出品不俗 ，pizza確係唔錯，但pasta 就一般。有機會去梅窩可以去試下。

10/2021光顧

好耐之前來食過brunch，質素不俗價錢平，印像中冷盤同Tiramisu都唔錯，抽起條筋想食Tiramisu ，一條友來食個brunch，可惜水準下降左好多，有點失望，無下次了。

9/2021光顧

印象中係貴價中菜餐廳，專食鮑參翅肚，所以開業多年都無想過去。朋友食過話唔錯，想再食，所以又試下。唔知係颱風關係，餐廳準備不足，定係廚房太遠，大部分菜式都唔夠熱，犯左中菜大忌，小菜賣相亂糟糟，收咁嘅價錢，完全物非所值，可能真係要食鮑參翅肚至能食出水準。