6/2016 光顧
陪朋友過來西營盤辦事,見肚餓,路過就行入去。小店食物不俗,傳統北方麵食,辣牛肉麵牛肉有嚼勁,湯底普通辣,但麵唔彈牙。香菜香菇豬肉餃,餃子大少剛好,饀料好味,餃子皮有咬口,水準之作。冷盆有黑醋雲耳、手撕雞拍青瓜及香辣牛筋,味道ok,不過無左北方菜應有的濃味,差緊d。鹵蛋好味但無影相。一間唔會中伏的小店。
6/2016 光顧
陪朋友過來西營盤辦事,見肚餓,路過就行入去。小店食物不俗,傳統北方麵食,辣牛肉麵牛肉有嚼勁,湯底普通辣,但麵唔彈牙。香菜香菇豬肉餃,餃子大少剛好,饀料好味,餃子皮有咬口,水準之作。冷盆有黑醋雲耳、手撕雞拍青瓜及香辣牛筋,味道ok,不過無左北方菜應有的濃味,差緊d。鹵蛋好味但無影相。一間唔會中伏的小店。
我唔係The Beatles 的歌迷,但從小到大總係常常於不同媒體,不同場合聽到The Beatles的歌。當然我知道樂隊係好勁,影響左後世的樂壇,甚至某程度上係影響左好多人的價值觀。但我一直唔明樂隊點解咁勁,有幾勁,當有一套關於樂隊的紀錄片,當然要入塲睇下。電影係至今唯一被The Beatles 隊員及其家人授權拍攝的影片,內容圍繞樂隊1963至1966年於多個國家巡迴演唱會的片段與幕後花絮,我終於知道樂隊有幾紅,簡直係瘋狂,係一個神話。影片完場後有當年The Beatles 在Shea Stadium 演唱會的30分鐘復修版,再加上之後由Teddy Robin 同黃志淙主持的座談會,總算對呢隊經典組合有多一點認識。不過仍然唔明白d瘋狂女歌迷點解會一路聽一路不停地喊,好激動🤔
6/2016 光顧 Cat's eye@灣仔
餐廳簽名菜係蛋包飯,當然係點佢啦。見餐牌好多選擇,其實只係豬牛雞肉,配忌廉汁、咖哩汁、茄汁,併來併去,仲有人氣漢堡扒(雜誌話)每個配搭都係一個選擇,所以放滿一個餐牌,另有前菜及小食。我點忌廉雞肉加茄汁豬,朋友係咖哩牛加茄汁豬。兩碟飯都水汪汪咁,蛋包飯的蛋用日本蛋,好滑好香。不過飯係白飯,唔係炒飯,打左折扣,醬汁太多,味道偏淡。我就覺得普通,若果非常喜歡蛋包飯的你或者可以來試下,當集郵。
6/2016光顧 寶興飯店@黃大仙
開業多年的打冷店,街坊生意。一般打冷菜式都齊,鹵水鵝肉軟靱適中,鹵水入味唔太咸,蠔餅的蠔肉大大粒,雞腳入味軟稔,小菜鑊氣夠,交足貨的街坊小廚,藏身在舊區中,希望可以保留,唔好被發展淹沒。
5/2016 光顧 漁牧@尖沙咀
又一間「碟細樣靚」的餐廳,食物味道可以,話係川菜餐廳不過係港式口味,全無川菜重口味的特色 ,得個樣,入口以為在食廣東菜,食物價錢唔平,簡直係overprice,我地8個人,因為太細碟,全晚不停點菜,清水都收$6一杯,好小家。幫襯一次都嫌多。
5/2016 光顧
宣傳話餐廳取經日本,pancake 又鬆又軟。食完後覺得仲有好一段距離,份量細,空氣感不足,tiramisu pancake仲有點實,咖啡淡,呢餐並不可取,好在唔使排隊。想食好味pancake,唔通都係要去台灣日本?
5/2016 光顧
餐廳開業多年,當年歐陸式花園設計,賣花茶輕食,OL的心水店之一。今次來食早餐,好豐富的早餐,家庭手作feel,無花巧。可惜食物麻麻,似乎退步不少。同老闆娘講開,原來銅鑼灣店與同區的另一分店都已經結業,原因又係老問題 : 貴租請人難,老闆意興闌珊,已經返回大陸開店,聽講仲發展得唔錯,呢間因為係原祖店,所以唔捨得放棄。聽完又循例唏噓左一陣,但都習慣了,有得食得就食吧。
5/2016光顧 LAVA bar & restaurant @太子
酒吧加餐廳。餐牌雖然小食pasta据扒甜品都有,但選擇唔多,加上我興趣不大,所以只點左兩個小食同兩杯飲品。慢煮牛腩刈飽,牛腩香,洋蔥汁惹味,刈包甜甜地軟糯有咬口,整個配合唔錯。温泉蛋薯粒,香口飽肚,不錯的伴酒小食。朋友報告檸檬啤酒味淡,我杯mojito 都係好淡口(無影相)。