食完早餐就出發去靈場恐山，以為靈場即是墳場，原本仲勁d，係靈界與人間的交界，原本唔打算去，感覺唔吉利，但因為順路，加上情報話紅葉見頃，所以走一轉。出發時天陰有小雨，已打定輸數唔會睇到靚景，點知一轉彎，美景就在眼前，遍山紅葉，雨都停埋，真係天公造美。靈場恐山座落在火山帶，面向大湖，滿山紅葉，景色優美，但四週充滿硫磺味，過我就無入靈場，始終感覺唔良好。
之後再驅車去奧藥研温泉，葉子都變紅了，可惜尚欠點陽光，不過唔落雨已感恩。奧藥研温泉鄉有兩個温泉，一個係溪流旁的河童温泉，好有意境，而且不需收費，之前温泉係混浴，但近年已取消，分男女時段。可惜我到達的時候係男性入浴時間，唯有懷著失望的心情到前面的河童夫婦温泉。
因為要遊下北半島，所以選擇喺陸奧市住一晚。陸奧市住宿選擇不多，結果我決定選最平的。一分錢 一分貨，酒店似旅館多d，大堂好大陣煙味，房間細，雙床房間其中一張床其實係加床，唯一好處係房間可以睇到河景。早餐喺附近mos burger 吃，估唔到質素幾高。
大堂 (圖片擇自網上) 絶對無咁光鮮，燈光較暗，大堂可吸煙，感覺似國內賓館。入住的都係公幹人事，例如長途巴士司機。
東北的冬天晚上5時已入黑，路上無街燈，對於習慣滿街光亮亮的香港駕駛員，實在不習慣，立佞武多館至餐廳車程要兩小時，天雨路滑，實在唔敢開得快，結果都遲左半個鐘，不過我中途有致電通知，店主都體諒。
終於去到精緻的法式小餐廳，今晚點選的晚餐係台灣同日本北東北合作的「食采陸奧」計劃內其中一個套餐，以當地食材青森帆立貝及蘋果為主要材料，創作不同菜色，有火鍋，燉飯、甜品等等。法日合拼，味道不俗的一餐，很好的飲食經驗。有興趣一試的建議先預訂。
趁天氣算好，立即開車去高山稲荷神社について，神社亮點係有過千個鳥居由山坡上排列至山腳，組成一條鳥居長廊，喺山坡上望落去似伸延至天邊，駕駛員當然唔會放過航拍的機會，事實上航拍出來的效果又真係好好多。
早上起來見天陰陰，好在無落雨。先去古川市場食早餐，市場規模小，同一般日本市一樣，魚肉蔬菜乾貨檔齊備，又可以食勝手丼，即係好似車仔麵咁，買完飯底再自己選擇配料鋪上面，遂檔選，以前好似只有北海道釧路市場有，而家好多地方都有了。
去日本旅行若停留市區，我通常入住Richmond集團旗下酒店。喜歡佢價錢合理，房間面積適中，乾淨企理，位置方便，職員服務好，酒店附設停車場， (要付費，間間價格不同，通常每晚一千日元以內，可泊至翌日十一點)，自駕最適。不過今次呢間洗手間有陣霉味，扣分。
晚餐無主意，直接揾酒店介紹，小姐二話不說介紹呢間，食傳統日菜，話自己都去。酒店代訂，由於店家只能用日語溝通，知道我地係遊客，堅持要點套餐。套餐分三個價錢 (三千、四千、五千)，我選兩份五千，一份四千，另一份到時再決定，佢又話可以就算。餐廳離酒店五分鐘步程，去到已準備好個室，套餐係會席料理，價錢分別在於用料，貴價的多一兩款時令食材，其實都差不多。當晚我只係大概知道食左咩，但款款都好味，食材會隨季節變化，所以唔會特別介紹，因為下次去都應該唔同。最欣賞侍應們努力地將食物寫成漢字介紹比我，感覺自己好受尊重。我地四個人點左三個餐加一碟小食已經好飽，想再試其他都無能為力。其實散點都好多選擇，不過鬼叫自己唔識講又唔識睇，唯有由店家安排。
今次因爲機票特價，所以坐日航，被安排坐細機，叫做有個幾精緻的飛機餐食。因為由東京至青森的車程遠，所以會坐JR往青森至開始自駕，非最後在秋田還車再坐HR返東京。今次買左張東日本火車證(成人五天彈性東北地區)，之前喺EGL訂左比哂錢，到日本攞張單來換JR Pass就可以了，再攞埋之前網上預約席的pass，都搞左成半個鐘。若你在香港網上訂位，記住帶埋訂位用的credit card 去。
香港食食食 (25) 遊世界 (0) 漫步香港 (3) 小書架 (1) 私影院 (1)
