Foodie 生活雜誌

米子鳥取呢條線之前已去過，再去就想揾未去過的景點，但之前好多景點都去左，去邊好？估唔到團友居然喜歡柯南，就安排左去柯南村，一路行一路覺得日本人真有諗頭，其實旅遊點只需要將一個點子包裝後再發揚光大就得，一條路上放著不同的主題人物公仔做影相位，整幾個級印check point ，加埋博物館、餐廳、小賣店，咁就可以帶旺人流了。之後當然又去浸溫泉，喺不同的温泉鄉中選中湯原温泉，點解？就係為左個混浴的砂湯温泉，可惜當日又凍又落雨，未能好好享受，個總算試過。其實之前已有混浴的經驗，但今次呢個更開放更多人，仲可以任意影相，更有趣😁

先去博物館，有作者的手稿及禮品店，我只行左禮品店

博物館旁有單車租，唔使行到腳軟

成條街都係柯南，好多影相位

當日天陰陰又大風，見到有間咖啡屋，店主自家炒豆，點杯手沖，但日本咖啡真係唔多囉飲

繼續行程，去柯南車站，正名係由良駅

旁邊係圖書館，館内都有一角柯南專區

跟住指示就去到check point，我自駕，行到邊睇到邊就算

午餐選左在路上的拉麵店，無驚喜

來到湯原温泉

較舊的温泉鄉，酒店選擇唔多，好多店舖都關門，唯一亮點係砂湯

砂湯喺大壩旁，好有氣勢

我哋混浴雙人組拍拍心口又去浸，其實邊有咁勇，酒店係有件浸浴袍提供的，不過係尼龍質地，浸左水貼住個身更凍，但係都好過無。

呢度的混浴比乳頭温泉更開放，去過鶴之湯係奶白色的泉水，蟹湯較偏僻人少，而且湯都喺旅館內，無咁多閒雜人，但呢度真係公眾的，係人都去得，你咪以為我似住係遊客就亂影相，我觀察左好耐，好多當地人都影，我至敢離遠影幾張，所以真係好open，可惜愈來愈大雨，我浸左一陣就離開，但總算試過

寫到明男人唔可以掉掉fing

吉祥物蠑螈