Foodie 生活雜誌

今日我離團自由活動，來個仙台city walk。先去食pancake 作早午餐，見G神比小店幾高分，點知誤入粉絲店，食物出品一般，可能係粉絲大本營所以高分。之後行下飲下咖啡，因為天氣凍又無乜好行，我番酒店睇youtube hea下仲舒服。晚上會合團友食飯，簡單的一天。

pancake 店門面幾可愛

估唔到顧客都好可愛，喺度整緊偶像支持牌，呢位偶像我唔識，若喺香港就等於去左姜濤大本營。

pancake 一般，有點實

下午跟IG去行街

一般民生商店街，每一間店只賣一樣嘢，一間賣肉一間賣米，又有髮廊，似小雲的天神村。不過條街好靜，有點荒涼feel

呢間最有型，賣古董，一對中年夫婦(?)主理，女士喺店內的工作枱做手工燈罩，好靚，不過每盞要十萬yen起跳，我都行得好小心。小店左鋪右居，整個單位好有型。

返回市中心飲咖啡，原本飲齋啡的我，來到肥威工廠，無理由唔飲肥威？

行兩行無乜癮，無乜好shop，天寒地凍，都係買個芝士雞塊回酒店攤抖下好過。

晚上喺酒店附近搵間小店晚餐

團長揸左幾日車，唔飲得酒，今日還車即自隊清酒😆

呢隻叉用來將串燒的肉從竹簽上拆出來，又幾好喎👍🏻