Foodie 生活雜誌

一早喺酒店食完早餐就去深圳北站搭高鐵去一個我聽都未聽過的地方：江西龍南県。酒店pullman有通道直去深圳北站，唔使過馬路，攞住行李都唔怕雞手鴨腳。今次搭高鐵仍然感覺良好，就算住得近都早45分鐘前到站，因為要檢查行李及驗票，通常開車前五分鐘停止驗票，建議早點排隊，因為若前面的人証件有問題，阻住條龍，你可能會眼巴巴睇住架車走。兩小時車程舒舒服服好快就到龍南東站。當地唔係旅遊熱點，火車班次少，我地出站後職員隨即關上出口門等收工咁款。出閘後隨左的士司機，四野無人。我地打迪迪去酒店，安頓好後出省食晚飯行夜市，之後就回酒店休息了。

倒塔咁早就起身

舒舒服服食早餐，好彩夠早，之後已無位，要排隊入，自助早餐水準幾高，好多嘢食，其中的壽司、豆腐花、油條及腸粉幾特別

深圳北站，好巨型站，內整潔明亮，有好多食店，可以入來至食嘢

點都要有瑞幸，呢杯喺外面買，站內店未開，而家應該開左

排隊等驗票，朋友條隊好慢，真係最後兩分鐘至上到車，嚇死我

出發

車速最高去到302km/h，非常穩定，咖啡杯都無郁過

呢架車仲有餐卡

到站，車站好新淨，鬼影都無隻

到左嚟緊三日住的民宿。民宿在圍內，江西好多客家人，好多圍村，呢間民宿就係喺其中一個圍內

圍内有五間民宿

我住呢間

另外四間各有特色，原來國內有好多出名的民宿品牌，日後要好好研究下

其他民宿，每人佔一塊地

圍內其中一間咖啡店

店內賣的手工藝品好精緻

後山有行山徑

望落去就係民宿屋頂

旁邊有個古老酒莊

呢個就係圍村未發展前的面貌，時光倒流一樣

真係有酒賣㗎，試左杯黃油但無買，店主呀姐話我担誤左佢時間，真坦白😅

晚上出城食客家菜

客家名菜，龍珠湯、稻草肉

呢度係一個四五線鎮，唔係一線，所以夜晚幾靜，當晚得五度，我地著到雪人咁，自己都覺得誇張😝

行夜市，無嘢睇

好多攤位遊戲，啱晒少爺仔大顯身手

呢個圈動物遊戲，我估真係大陸至有，我當然無玩，一個唔覺意中左隻鵝唔知點算

晚上回到民宿，小管家已鋪好床了❤

️

晚安