天膳@銅鑼灣 @ Foodie 生活雜誌

Dec 26 Tue 2023 09:36
天膳@銅鑼灣

剛剛開始食壽司套餐的時候，除左見城、壽司廣之外，呢間係我幫襯的其中一間。餐廳應該定位中價市場，因為當年的$178遂件揀套餐而家都仲有（😱），不過變左二百八，喺間間鮨店都做緊高級套餐的今日，呢度係食lunch 的好選擇。十幾年後的我都升左級食晚餐……只因有人請🤪 餐廳食材新鮮，但並不突出，好普通的一個晚餐。最突出係個師傅，老好文師傅仍然豪邁爽朗，親切好客，同客人打成一遍，雖然菜式普通，但都係有水準的。有時候食飯除左食物以外，客情都好重要，讓客人有賓至如歸的感覺，可能就係餐廳經營多年仍咁受歡迎的原因。