Foodie 生活雜誌

終於來到最後兩日(寫得實在太慢)，第七日朝早先去食海膽飯，跟住去新宿入貨，雖然而家香港乜都有得賣，但一塲去到日本，點都要買d，加上兌換價低左，有差價又平一截。買完都無左一個下午，攞住一大袋嘢去得邊？梗係要番酒店卸貨，之後又去番今朝的築地食蠔，食完乖乖回去執行李。

第二日一早喺附近連鎖cafe食早餐，以前我不屑食呢d連鎖店，總係要懶特別咁揾小店食。但今次旅程食左幾間熟口熟面的連鎖餐廳，發覺質素又唔錯喎，以後都要放開偏見至得。食完早餐番酒店攞行李，訂左的車已到，舒舒服服坐車去機場，喺機場食埋碗唔好食的拉麵做午餐，再例牌地去免稅店買堆手信就坐機回家，結束八日九夜旅程了。多謝收看無謂遊記😆😆

早餐海膽飯，之前po 過

新宿你好！其實新宿唔啱我，就算去東京都好少去，但要買嘢又真係最集中

晚餐食蠔，之前po 過

第二日早餐，周街都係的cafe，但我應該未食過，唔使五百円的早餐，賣相唔錯質量又好，食價比幾高👍🏻

今日來接車的先生喺日本住左十四年，已經喺日本成家立室，最近重搬左去近台塲的新發展區住，落地生根。

舒服到機場

今次日本之旅最後一餐，好油膩的拉麵