close
1/2023 光顧
朋友仔上網買Q旁，食點心放題，原價$288，特價$199。我一向覺得放題唔抵食，因為點心紙內都係一般點心，貴價的如灌湯餃就一定無，不過朋友咁有興致，當然奉陪。任食點心選擇唔算多，不過出品算不俗，只係川菜類小食無乜味。開店頭一小時只得兩個侍應，其中一個似兼職，乜都唔識，我坐卡位，侍應可以企喺我張枱度將個茶壺跨過我張枱遞過對面枱，我望住佢都無言以對。睇過晚市餐牌，收費唔平，將軍澳真係一個高消費地區。
基本上餐牌內大部份點心小菜都點哂，平均出品唔錯。
係呢幾樣川味小食無味。唔係唔夠味，係無乜味，奇怪
買Q旁送芒果布甸，朋友最後至記得，為左唔蝕底，飽死都夾硬食，真係自己出錢又出命😆 布甸啖啖果肉，唔錯。
散點點心紙同任食點心紙比較，後者少好多選
餐廳幾有心思，有幾款茶杯，枱枱都唔同。靚係幾靚，但好細隻，我要成日不停斟茶
呢個打咭麵，我喺隔離枱都忍唔到影。但始終覺得食物係用來食的，搞到咁我又無乜興趣食了
全站熱搜
留言列表
香港食食食 (25)
