Foodie 生活雜誌

5/2021 光顧

餐牌提供素食，我對素食無乜興趣，硬係覺得少舊肉唔夠飽(勞動階層係咁) 但cafe 出品的擺盤靚，顏色鮮艷，食材多又好，食得幾滿足，太后都滿意，仲話 :「平平地食呢d都幾好吖」我望一望佢，話：「勁喎，而家百零蚊碟麵包都話平」，見佢定左半秒，無出聲繼續食，太后終於成熟了。(以前乜都話貴，百彈齋主，搞到我好無癮)

牛油果多士 sourdough 烤得香口柔軟，牛油果切粒半醬狀態，我好喜歡呢個質感，大大粒杏仁烤香後混入牛油果，加埋醃過的小洋蔥及蕃茄，好豐富的多士，咁至係有誠意，坊間太多求其到痺的cafe都收成舊水，真係食完都都唔開心。

Green egg and no ham  我影得唔好，抹在麵包上的蘿蔔鷹嘴豆醬好鮮艷，加埋poach egg、杏仁片、baby spinach，poach egg 時間控制剛剛好，麵包沾住濃濃的蛋汁食，好味。條bb西蘭花都烤得好味

咖啡香濃

小小的廚房做出美味食物，前期工作應該幾多，cafe樓底高，得幾個座位，空間感幾好，不過現實的我會暗暗計算點賺錢？

店名的意思，睇完都唔明

喜歡呢d杯