Foodie 生活雜誌

4/2021光顧

長假期無地方去，行下大館，順便喺度食埋午餐。大館開左好多餐廳，想飲茶，之前食過Madam Fu，今次試新嘢，揀左Chinese Library，不過假日只做點心任點任食brunch，點心款式選擇唔多，好彩味道唔錯，賣相亦幾精緻。其實我唔多鐘意食點心任點套餐，因為通常選擇大路，而且實際唔係食到咁多，除非係有食力之人，否則散點反而仲多選擇，而且埋單會平過任點任食，所以呢餐我無比錢，迫人請我食😜😜

任點任食點心餐牌，可以遂件點，貴價少少的點心、小菜或炒飯都要加錢。

點心造型精緻，味道唔錯，即點即蒸，上枱時仍然能保持温度，腸粉皮薄，蝦餃澄麵有咬口，炸物唔油膩，基本要求都做到，但無乜邊樣突出，所以唔會遂樣寫了。

叉燒要加錢點，見到上面鋪左芝麻，唔多喜歡，食味一般，可能食開柔軟度高的叉燒，呢件有點粗糙感。

甜品係最弱的一環，紅豆綠茶脆網卷油淋淋，蛋撻酥皮亦唔夠酥化。

餐廳走英式高級會所feel裝修

露台好chill

餐廳外面係酒吧，下午食低茶set，對面係西餐廳

談心位