Alius@銅鑼灣 @ Foodie 生活雜誌

兩款主菜, 和牛換做菜

Alluis@銅鑼灣

餐廳試過幾次都好滿意，同朋友來食晚餐，點知掃興而回。話說當晚食tasting menu，main course 係和牛，朋友唔食牛，結果chef 居然用舊烤椰菜代替和牛（見第一張相），我朋友並唔係素食者，點解會比舊菜佢呢？呢餐每位過千，和牛同舊菜的food cost差好遠，若個chef肯花少少心思，釀幾塊菇落去，又或者話我知舊菜有幾咁特別，我都無咁慶，我即時向chef反映，佢話問下廚房，之後無回覆，由於當晚係chef table，有其他食客，我唔想阻左個流程，食到咁上下出左去同經理傾。

經理解釋話餐廳係organic餐廳，唔會浪費資源，所以食物預得剛剛好，我臨時話唔食牛，佢安排唔到其他食物比我。其實餐廳分兩部份 ，一邊係chef table，另一邊係做散餐，我就唔信咁大間餐廳都揾唔到其他食物replace，只有一舊烤椰菜？經理又話就算我一早講左唔食牛，chef都只會安排蔬菜比我，仲問我係咪第一次食tasting menu，我真係嬲到笑左，我話我就係食左好多次都未試過有呢個遭遇，通常會比番差不多級數的食物，我明白tasting menu 係chef 煮乜我食乜，但無比較就無傷害，若個個都食菜，我反而無乜所謂。最後餐廳比左4杯 coffee同一件小cake表達點點歉意。我唔係為左攞著數，亦都唔係要嘈交，只係好掃興，最慘係搞到朋友唔開心。其實今次的出品我都好滿意，但今次經驗實在差，唔知係咪因為換左個chef，只能照本子辦事，臨塲發揮唔到？無論如何，只能當自己唔好彩了，我可以做的係以後唔再幫襯。