close
3/2020光顧
唔記得邊位foodie友曾經介紹我來食海南雞飯，喺度講句多謝先。餐廳開在灣仔的戰前舊樓內，奇華集團佔用全幢，一幢三層，下層係餅店，二樓餐廳，三樓工作室。用餐當日被安排坐騎樓位置，光線柔和，無乜食客，好清靜，聽住輕音樂，舒舒服服食個有水準的海南雞飯，幾好feel。
海南雞飯 走胸加$10，雞肉結實無雪味，仲帶點雞味。三款醬汁味道濃厚，冬瓜雞湯清甜，係油飯乾左少少，但可以接受。整體不俗，百鬆d蚊，食物質素及環境都唔錯，值得一試。
除左雞鎚，其他都起左骨
餐廳在舊樓內，三層高，地下三個鋪全屬奇華餅家，唐樓，當然要行樓梯
樓梯有壁畫點綴，圖案係傳統嫁女吉祥物
餐廳在二樓，窄窄的門口
內裡當然已翻新，一室光猛。
最有特色係保留左騎樓位
來到通常坐騎樓，仍保留舊有的地磚，好有味道，整間茶室的裝修一點新一點舊，好和諧，除左地磚，仲有翻新舊有門窗
因為係三個單位相連，所以餐廳都分成三部份，有門相隔，最盡頭的一間房適合包場開個小party
全站熱搜
留言列表
香港食食食 (25)
