12/2019光顧
上等人茶室，平民菜式高級化。裝修帶點懷舊感，餐牌上食物中西合璧，點心、炒飯、牛扒，乜都有d，點左一份套餐一份海南雞飯，食物質素ok，服務好好，價錢當然有番咁上下，不過反而套餐價錢合理，可以考慮試下。喺酒店食飯係一個pakage，除左食物，仲包埋服務同環境，餐廳所在的Rosewood酒店，環境高尚典雅，太后同我都好喜歡，太后仲主動要求影相，無幾何，可以一試的餐廳。
餐廳的海南雞飯口碑不俗，我又點一份試下，圓肉杞子雞湯，湯頭清，夠熱，但欠雞味。油飯香夾熱，份量足，幾好。
海南雞賣相不俗，點餐時，侍應貼心地問要選雞髀定雞胸，我選雞脾。雞肉結實，無皮下脂肪，但雞味淡，淨食無乜味，點左醬就好食。
三款蘸醬味道濃郁，有水準👍🏻
太后多心，我點個套餐比佢，等佢可以食多幾樣
中式烤鴨沙律配芝麻醬 好少見的沙律組合，烤鴨味濃，配芝麻醬味道更濃，太后讚好味
松茸菜膽燉雞湯 碗湯平實地用碗，唔用盅上。湯頭清甜，松茸味香。
香煎大蝦配意大利扁麵 Linguine 有咬口，sauce帶濃濃蝦味，可惜大蝦肉有點腍，感覺欠新鮮，整碟麵打折扣。用餐後，侍應循例問下意見，我又循例反映下隻蝦麻麻，講完就算。估唔到過兩日餐廳send左個email來道歉，話下次會改善，好認真。可惜無提供coupon比我下次消費🤪
柚子芝士樹頭蛋糕 跟近日大紅的The Butterfly Room同一個餅房出品。白色忌廉下係海綿蛋糕，柚子custard 帶酸，整體唔突出。
咖啡香濃
進入餐廳内係一個黑白色偏廳，感覺retro ，帶點型格
茶藝counter
進入内廳，一樣的retro風格，但轉為暖色
似六十年代的卡座
唔明點解係開放式廚房，似buffet枱，可能有機會做buffet？
介紹下酒店二樓的環境。餐廳外的聖誕樹好高貴。
餐廳入口，入面分三部份，分別係Holt’s cafe，Butterfly cafe ，餅店及禮品店。整體設計有藝術感，用好多鏡面，以鏡面反射燈光，感覺bling bling，低調高貴。
售賣茶具及小食的貨架在牆的兩邊。
當然係款款精品，我連價錢都懶得睇，因為一定唔會買
城中high tea 熱點點 : The Butterfly Room，我對低茶無興趣，路過參觀塲地，佈置優雅但唔吸引。
洗手間都好靚
酒店lobby的聖誕擺設，簡潔高雅，like
通往商塲的電梯大堂。我來的時候由酒店入，電梯同呢架唔同，因為酒店内的電梯居然有四盞法國名牌Saint-Louis的水晶壁燈！電梯佈置都咁一絲不苟，我真係好有興趣知道酒店的房間有幾豪華。
全站熱搜
留言列表
香港食食食 (25)
