今日帶太后去做貴婦。一早瞓到安樂醒，check out 後喺酒店附近行下就直接去食午餐。話説今日訂左間靚靚西餐廳食創作料理，之前一晚叫太后著好少少(太后一向主張「舒適」打扮）喺酒店見太后的一身造型 ： 灰色運動綿褲配同色系fleece外套，忍唔住問佢係咪打算去晨運，佢仲問我有咩問題，我唯有直接話佢咁著法去到餐廳會有辱國體，佢至死死氣去換過衫。去到餐廳見到客人個個打扮端莊，佢至明白今早的造型幾咁有問題。太后邊食邊讚 : 「我都係喜歡食呢d多過昨晚的大排檔」我心諗 ：鬼唔知呀媽係女人？不過見佢食得開心就好。
飯後回酒店取行李，起程去秋保温泉嘆世界。若果唔係帶住太后，我一定會去銀山温泉，但秋保温泉離仙台市只需30分鐘車程，好方便，太后唔使坐長途車又可以享受温泉樂。秋保温泉平日非常冷清，店鋪無營業，四周靜悄悄，加上太后唔可以行太遠，我地在附近旅遊中心後的磊之峽自然步道行一圈就回旅館。
為左比太后有個難忘的温泉旅館體驗，我盡地一煲，付出我有史以來最貴的房租。雖然旅館並唔係我住過最好的，但見到太后讚嘆連連及其滿足的笑容，就知道一切都係值得的。
在酒店附近四處逛，除左商店街以外，小街上有不少特色小店
午餐係西式創作料理
太后喜歡的靚靚西餐
起程往旅館，酒店接送，太后鳳顏大悅，在車上已讚賞話 : 估唔到坐一陣車已經到郊區，感覺同城市截然不同，唔錯
在旅館放下行李後到附近逛，離旅館最近就係秋保温泉鄉觀光案內所
案內所門前有巴士直達機場
內裡有秋保温泉的歷史介紹
提供地圖，有温泉散策路線
可以租單車遊覽
足湯只於星期五、六、日開放。
案內所後的磊之峽步道散策，景色一般，聊勝於無
附近商鋪都休息了
影下d無謂相，太后扮等巴士
無所事事，決定回旅館嘆世界
房間寬大舒適，太后未住過高級温泉旅館，自然讚不絶口
晚餐安排於房內用膳，太后食至捧腹
留言列表
香港食食食 (25)
