Foodie 生活雜誌

9/2017 光顧

餐廳裝修華麗，身處其中，個人都貴哂。餐牌簡單，午市三款套餐，晚市兩款，我今次同朋友來食。每人一個自選午餐，朋友選龍蝦，我選和牛。除左主菜不同，其他由餐前小食到甜品都一樣，是日午餐被安排由山下先生主理，手勢非常純熟，味道好，物有所值，真係值得一試。唯一缺點係每一枱都揾山下先生服務，搞到佢好忙，成個餐都整得好趕。

午市分三款套餐，行政套餐可以自選主菜，再豐富d可以選龍蝦和牛餐或特上餐。每個餐都包沙律頭盤甜品咖啡，不過貴價果兩個的沙律同甜品會有分別。

一開首師傅先經準備好蒜片同蒜粒，香氣四溢

麵包鬆軟，味道帶甜，烘得香口

牛舌蒸蛋 第一次食蒸蛋配牛舌。牛舌味道香濃，蒸蛋滑溜，好味。不過朋友嫌牛舌膻味重。

蔬菜沙律 蔬菜新鮮，配酸汁，好開胃。若選貴價餐就會加多幾片刺身變成海鮮沙律。

套餐食材

山下師傅準備中

香煎帆立貝 帆立貝厚身鮮甜，煎得香口，內裡柔軟，配牛油汁，簡單美味

加拿大龍蝦 龍蝦肉厚鮮甜，師傅用蓋焗住慢慢煮熟，保持肉質鮮嫩，開蓋後稍為煎香，再配上香濃的龍蝦汁，好好味。

師傅建議用麵包沾醬汁食，仲要麵包任添，感覺抵左，夠飽肚，我鍾意😆😆😆

特選黑毛和牛 生熟程度由師傅決定，始終我覺得師傅最了解舊肉點煮先至係最好食，我又唔怕食太生，就由師傅決定好了。

和牛油花分佈均勻，表面煎香，中間柔軟juicy，可以沾醬油或配wasabi、胡椒粒、蒜片。我就喜歡夾住煎得香脆惹味的蒜片同食，正！ 配菜係鮮甜洋蔥，沾上酸汁食，解解和牛的油脂，剛剛好。

蒜蓉燒飯 用先前預備好的蒜粒炒飯，飯粒肥嘟嘟，炒飯好香但味道淡。 配菜係牛榜同酸蘿蔔。海藻麵豉湯，朋友話咸，我就覺得ok

芒果雪芭  自製芒果雪芭，味道濃厚

咖啡好濃 朋友係咁加糖加奶，我提議佢加水

裝修低調華麗

可以包房，有最低消費，有需要自行致電查詢

晚餐，會根據時令食材轉餐牌

可以加錢食靚牛