Foodie 生活雜誌

喜歡關西風的天婦羅，來到京都無論如何要一試。可惜首選的京星裝修中，不過百老店八坂圓堂都出名，講真，我都係慕名而去，以我的level，應該都分唔出兩間名店的分別。一早已經在網上訂定位，收到確認電郵時寫到明遲到一分鐘都會被取消訂位。其實就算唔寫我都一定唔會遲到，不過寫到咁又真係感覺唔良好，而家去日本訂位就係會受到呢種對待，有時都覺得自己犯賤 。被安排於老房子內的廂房用餐，好有風味，由年輕師傅主理，一次招待三組客人，食物炸漿薄，材料新鮮，不過可能師傅尚欠經驗，天婦羅帶點油膩，尤其係最後的茶漬飯，不太突出的一餐，讚賞女侍們服務態度好好。

京都八坂圓堂

地址  : 京都府京都市東山区八坂通東大路西入ル小松町566

Tel : 075-551-1488

八坂圓堂在衹園附近的小街內，有幾個店址，我去錯左裝修新派華麗的新址。

之後安排由女將帶我去另一間店

充滿歴史感覺的老屋，張相好難影，因為服務態度好好的女侍們笑容滿面的在門外歡迎，我原本唔想影到佢，但又唔好意思叫佢行開，最後唯有等佢帶位時墜後少少怱怱影張

態度好好的女侍

老房子樓底矮，有點壓迫感

當晚用餐的房間，小師傅努力中

晚餐分三款，主要係食材的分別，我取中庸之道，選中間價的一款

當晚食材

最喜歡的蘿蔔泥

行程中最後一杯梅酒

套餐份量足，有齊前菜、刺身、甜品等。食材都係京野菜、海鮮等，配不同調味食，印象中海膽好味，軟綿綿又鮮甜，其他食材都不俗。敗筆係最後的茶漬飯，實在太油膩。

小禮物