Foodie 生活雜誌

5/2017光顧

今次主要係來食白露筍。白露筍係季節性食物，一年只在4至5月供應，錯過就要等下年 (所以各位睇完若覺得啱食，明年請早)。喜歡食白露筍係緣於一次德國之旅，朋友在農場直接購買，條條豐腴肥美，咬落清甜，水感十足，令我驚為天人。可惜喺香港食價錢好貴，份量又少，唔捨得食。今年終於儲到錢去食。SABATINI每年都有白露筍菜色提供，可惜每道菜都只得一兩條白露筍，只能止下癮，無法盡興，可能要趁下次歐遊至可以開心食。SABATINI係老牌意菜餐廳，水準keep得好，就算食平常菜單上的菜式都好唔錯。

喜歡食麵包籃內的麵包條，熱辣辣有咬口，配上pesto, dry tomato 同olive 醬，食到唔停口。

白露筍濃湯配阿拉斯加蟹肉 湯濃得來清甜，白露筍切粒於湯內，配大啖蟹肉，good

意大利飯伴白露筍，北海道帶子配魚子醬 ，白露筍肥嘟嘟，清甜好味。意大利飯好香，味道稍咸。配埋帶子魚子醬平衡下，好味。

墨魚汁意粉伴海膽配白露筍忌廉汁 我試左少少，意粉有咬口，海膽好鮮甜白露筍切條，整個意粉好rich，朋友好滿意

Tiramisu 味道普通，不過食意大利菜硬係要食個tiramisu 至覺得完滿

內部裝修幾十年如一，好傳統，似走入另一個空間。