金銀泰國美食@長沙灣－Foodie 生活雜誌

2/2017光顧

保安道街市熟食市場內的檔口，要襯天涼去，夏天太熱，一定頂唔住。檔口開在一角，晚上幾靜，相反另一角的火鍋店就人氣沸騰。檔口提供一般泰國菜的餐單，價錢實惠。點左海南雞飯，馬拉盞炒通菜及咸魚炒飯，整體來講味道較淡，但對於我就剛剛好。不過後來食開的朋友話佢為左遷就港人先淡口d，其實落單時可以要求原味。呢度的海南雞飯較特別，因為碟飯好熱！

海南雞飯未食過咁熱的海南雞飯，飯底唔係黃薑飯，係濕濕地的白飯。經了解後檔主話係整好碟飯再放入爐焗，雞油沁左落飯度所以濕濕地。碟飯又唔係話特別美味，但總算係雞滑飯香，冷天食住碟熱辣辣的雞飯都好唔錯。