Foodie 生活雜誌

漫步大稻埕(迪化街商圈)

許多年前迪化街曾稱為「大稻埕」，曬穀米的廣場，之後變為迪化街，辦年貨的老區，至近年文創店鋪進駐，又一番新景象。因為係舊區，整個商圈以老屋建築為主，除左舊店，仲有好多新店將老屋翻新，改成不同形式的店，有餐廳、展覽館、商店等，老屋原則大且深，有天井，後欄，同今日的蝸居不可同日而語，遂間入遂間睇，似參觀示範單位，好有趣。一條街，一點新一點舊，好好行，又可以消磨大半天。行完仲可以買埋名牌手信豬肉紙至走。

迪化街商圈

從前的老屋已遂漸被拆掉，翻新。當我舉機影相時，當地的嬸嬸叫我唔好喺度影，原來佢想提我未入到大街，前面大把有得影，笑死我

老屋翻新後，改為米鋪，樓上保留舊日面貌，開放參觀，樓下營業，後欄係食店

呢間陶瓷店，中庭係cafe，後面係展覽廳。相中九格，順序由左至右，上至下睇，帶你由門口入到後欄

呢問係博物館阿嬤家，展出一個已去世的老人的藝術作品

老屋改建而成的旅館，走入中庭，花園佈置的咖啡廳，旅館門口有個韆鞦，真有心思

小巷

消防局，似時光倒流

傳統雜貨店仍繼續營業，一點新，一點舊

番皀店 展出古時做番皀的機器，店內有用番皀砌出來的番皀牆

亦有老店翻新

再向前行，進入辦年貨的老街，快過年了，好熱鬧

漫步永康街

橫掂去左食永康牛肉麵，順路行埋去永康街，反正今次旅行無特別計劃。永康街中心好旺，但我反而喜歡行外圍，儷水街，青田街等。店鋪多元化，咖啡館、特色小店、小餐館等散落於四周，又係一個散步的好地方。我地四圍貢，嘆下咖啡品下茶，再食埋晚餐，咁又消磨左大半天。

青田七六 一間日治時期留下來自日式大宅，已成為古蹟，保存得好好，開放比公眾參觀，大宅附設餐廳，有興趣的可以參加導賞團，了解一下大宅歷史。我興趣不大，行個圈就走了。

順路行去永康街，經過呢間515 cafe&books，感覺對辦就入去飲杯咖啡坐下，所以話，去旅行最緊要係有時間及悠閒的心情。唔洗下下跟足旅遊書，有時相信自己的感覺更好。

再步出咖啡店已天黑，見到對面一間好有情調的小屋，又去八卦下，原來係一間燈飾店，店主用舊樂器重新設計為富有特色的燈飾，好靚好別緻

精緻的製成品

舊樂器放滿一角

賣藏香的店

有趣的小物

處處都係型格咖啡店

小酒館

漫步富錦街@松山區

就是喜歡富錦街。行完羅斯福路，感到失望，立即想到要來富錦街尋找安慰。其實富錦街就只係一條街，全條街好多小店咖啡室聚集，氣氛閒適，三年前來過，感覺良好，今次再來，部份小店已不見了。若你喜歡hea咖啡店，買無謂嘢，不妨來逛下。

cafe , 間間都好靚

cafe x 2

工作室

真的可以嗎 ？

呢間店個sales 姐姐好熱情，令我地放低唔少銀両

店內賣的全部係台灣設計，都係d唔等洗嘢，香氛、陶器等

就係被呢個温室吸引，入面所有植物都係台灣品種

 

呢個番皀加絲瓜絡，有桂花香味，正！

 

賣咖啡都包裝得好精緻

 

Pizza 店