倫哥私房菜@太子－Foodie 生活雜誌

7/2016 光顧

睇過好多介紹讚到天上有地下無，覺得係鱔稿，無理。點知有日朋友講開話真係正嘢，有人有真相，咁就放心去試。

餐廳有幾家分店，我去太子店，茶記格局。一行六人被安排坐閣樓，地方迫陝但整潔。食物遂位計，火煱每位$269另加一，要三位以上，份量以人頭計，氣水菊花茶任飲，每三位再敬送鮮果汁一jar，啤酒另計。先來雞煲，雞肉肥美香口，喺香港食雞無雞味係正常，所以算係咁。之後來個蠔皇鮑魚、蒸蟶子皇之後就開始食火窩。湯底係時令，會更改，今次選番茄花甲蟹鍋，加$30將蟹變波士頓龍蝦，火窩配料以海鮮為主，款式多，用料算新鮮，其餘仲有火鍋常客：肉丸餃子蔬菜。某d配料可以任點任食，但我地因為太飽無再點。呢餐你話抵食又唔係，但成班朋友聚會就有數為，需知有d人點菜亂咁嚟，家下出街打邊爐唔平。不過坐得唔舒服，閣樓焗住，好嘈。有一間房，可以預訂。值得一提，員工非常有禮，我忍唔住當面讚賞。

先來雞煲