logon cafe@太古城－Foodie 生活雜誌

2/2016 光顧

特別到此日式洋食店食egg benedict班尼迪，日式班尼迪同傳統西方的有咩分別？就係一貫日式做法：保留外型但骨子裡完全注入日本元素，改變後又唔覺突兀。呢個變種班尼迪都唔錯，唔好同傳統的比較，當一個新的菜式就好了。

班尼迪一上枱就有中伏的感覺 : sauce 同蛋撈埋水汪汪，個心涼左半截。不過伴碟有生菓蔬菜，整整齊齊，感覺健康。生菓新鮮，唔會雪到乾爭爭。再挑戰變種班尼迪 : 温泉蛋加豚肉加多士。温泉蛋一切開係糖心蛋，有驚喜，豚肉夠厚，條邊仲有肥膏，口感豐富，加埋日本出名的鬆軟厚多士，個荷蘭汁淡淡的，撈埋蛋汁點沙律菜食，又ok 喎。