5/2016 光顧 漁牧@尖沙咀
又一間「碟細樣靚」的餐廳，食物味道可以，話係川菜餐廳不過係港式口味，全無川菜重口味的特色 ，得個樣，入口以為在食廣東菜，食物價錢唔平，簡直係overprice，我地8個人，因為太細碟，全晚不停點菜，清水都收$6一杯，好小家。幫襯一次都嫌多。
目前分類：中餐-京川滬外省菜 (55)
- Sep 21 Wed 2016 18:48
漁牧@尖沙咀
- Mar 10 Thu 2016 23:37
豆漿大王@新蒲崗
位於新蒲崗工廠區內的小鋪，門口細細，好容易錯過。叫得豆漿大王，豆漿應該係最耍家？但我就覺得無咩豆味。反而粢飯做得唔錯，飯柔軟，配料可自行加減。上海雲吞麵的湯底徧甜，唔係我口味，反而排骨麵湯底又正常喎，做兩個湯底咁花工夫？
- Mar 05 Sat 2016 00:30
湘聚小廚@西環
11/2015 光顧
作為一個九龍人，此店位置係有點偏僻難揾。湘菜即係湖南菜，在我心目中，就係一個辣字，同川菜一樣。不過侍應解釋川菜係麻辣，湘菜係香辣，兩者好唔同。諗諗下又係，川菜通常係麻，麻到都唔知食左咩。其實我唔多食辣，但又想試新嘢所以至來。本來想點唔辣，但侍應呀姐好豪氣地話「唔食辣不如唔好食！」我立即被佢鎮攝，最後呀姐幫我點左「bb辣」，結果可以接受。今次幾碟菜都又香又惹味，賣相鮮明，紅彤彤的令人食慾大增。街坊小店，價錢實惠，值得一試。
- Jan 31 Sun 2016 10:12
好德來@佐敦
10/2015 光顧
上海小館，一般菜式都有，睇餐牌價錢唔貴，但原來碟頭好細。全晚除左拍青瓜個醋太酸，其他食物都ok，小籠包唔錯，皮薄汁多。若在附近諗唔到食咩都可以食下，不過又唔使特別去。
- Aug 25 Tue 2015 12:30
手拉麵小廚@新蒲崗
2/2015 光顧
喜歡去小店，新蒲崗因為係舊區，仍然有好多個性食店。行左個圈，都有幾間心水，先試手拉麵。北方小食，茶記格局，好迫夾，要食好環境唔好來。拉麵小籠包冷盤樣樣齊，外省菜大多重口味，但呢度味道唔錯，口渴指數唔高，價錢唔貴 (呢餐$140)，食得過。
- Aug 22 Sat 2015 01:00
香港老飯店@尖沙咀
5/2015 光顧
想當年在新港中心開店時，真係好好味。後來搬到美麗華商塲，覺得水準比之前遜色，又或者選擇多了，所以無再光顧。多年後的今天。朋友揀選此店，店子已搬遷至寶勒巷，裝修雅緻，服務殷勤，食物賣相不俗，但味道普通，可能食得太快，居然完全記唔起味道。同類食物，同等價錢，可以有其他更好的選擇。
- Feb 08 Sun 2015 22:10
夜上海@尖沙咀
酒店內的上海菜，以為一定貴夾唔飽，估唔到又ok 喎。我點的都係一般大路菜式，味道不過不失，無特別，全部如圖所示，所以都無需介紹。上海菜來講叫清淡，可能係新派及順應健康潮流。不過環境舒適，聚會好地方。
- Oct 22 Wed 2014 00:15
北京老家@尖沙咀
- Oct 19 Sun 2014 17:55
又一棧@又一城 (CLOSED)
食物都係普通喇，不過想講下呢間最特別係晚市分三輪食飯時間，我六點半到，要七點九交枱。不知從何時開始， 因為店舖租貴，創做出呢D 奇怪的限制，從前只有週未適用，到現在每天合用。若你想食一餐坐得舒服點的快餐，不妨食下。我就無興趣了。(今次因為朋友要快食快走才幫襯)
糯米蘿蔔絲包, 幾好味
- Jun 02 Mon 2014 12:04
餐廳 : 川上龍@尖沙咀
一向受不了川菜的麻辣及重口味, 但友人生日欽點，只有聽命。知道此店開業時係話題食店，很多時要等侯。但這次我星期六晚來只得兩枱客。所點的所謂川菜，其實都已港化，水煮魚，水煮田雞，魚不夠滑，田雞未發育。我點小辣，除了有幾隻辣椒浮面外，你不會認為是川菜，曾經在國內食川菜，小辣已足以令我暴斃。若你當作普通小菜館，味道是可以的，魚卷羊幾有心機。但注意每碟份量極少，我一行8人，點了17款食物共22碟(有些要兩碟才夠)，等如食完再來一圈 ，中餐來說，較少見。
菜單 :
- Mar 08 Sat 2014 10:55
餐廳 ： 阿純山東餃子
喜歡吃餃子，大白菜，烤羊肉等山東菜式，這店在食店名單上已有好一段日子，由於地方較偏(其實是附近無shopping的^^)，所以遲遲未有到訪，今天與住附近的友人一起過來。
約9時左右來到，最想嚐的西洋菜餃只剩下數隻，不夠一碟，番茄蛋餃更已售罄。所以老闆提議將賣剩的西洋菜餃與白菜餃雙拼，再點一個黑木耳冬菇餃。餃子大小剛好，有肉汁，好味。但肉的份量比菜多，我個人喜歡菜多點。有黑醋及蒜蓉用作餃子汁。
- Jan 14 Tue 2014 21:32
千鍋居@佐敦(CLOSED)
已經是第三次光顧。之前兩次分別與不同的朋友來，大家都説不俗，這次跟另一班朋友來, 人多，可點多些菜，試得更多。
因為人多吃飯，而且同行人不是「相機先食族」，只能匆忙拍照，所以相片較差。(一個不錯的藉口^^)
香港食食食 (25)
