- Apr 03 Sun 2016 09:53
加記@西環
- Apr 01 Fri 2016 21:26
電影 ： 優獸大都會
故事正面 : 教導大家唔好以貌取人、唔好標籤他人、做人要有理想、每天要做好事、要多角度看事情......老生常談的道理，不過以動物做主角套入人類角色，整件事就變得趣味十足，成套戲無論角色設計與塲景都非常有想像力，睇得開懷，對白比較多。我睇粵語版，充滿正能量的兔子與表面衰格但內裡善良的孤狸分別由容祖兒同黃子華配音，非常配合，為電影錦上添花。
- Mar 30 Wed 2016 22:48
Alma@尖沙咀
1/2016光顧
新派葡國菜餐廳，味道應該係為遷就香港人口味，較正宗葡國菜淡，變成好似無靈魂的葡國菜，硬係好似欠左d嘢。又係方程式餐廳 : 走中價路線，以裝修為重點，配上精緻餐具，食物味道普通，份量少，口渴度高。餐廳地方闊落，坐位舒適，有海景，又唔限時，當試新嘢，但個人不推薦。
- Mar 29 Tue 2016 23:58
why 50@上環 (closed)
1/2016光顧
在禧利街一帶逛一圈已有十幾間咖啡店，競爭激烈，無可能遂間試，見到有報導又啱心水的就光顧，所以現今media 真係好有影響力(起碼對我有用😜）。介紹話此店咖啡同食物都唔錯，店子播住有節奏感但又唔吵耳的音樂，好醒神。咖啡同食物都唔錯，咖啡師健談友善，聽到隔離枱兩公婆特別回來再試個burger ，一於下次回來食，再試杯hand drip咖啡至得。
- Mar 28 Mon 2016 13:33
2016東京遊 旅遊簡報
- Mar 24 Thu 2016 15:27
電影 : 已經很想你
「人生得一知己，死而無憾」，正是本片的寫照。兩名好友從小到大，共同渡過美好時光，見證大家生命中重要的時刻，艱難中互相扶持，甚至陪伴到最後........。人愈大，面對疾病纏繞，生離死別的機會漸多，不能避免。就如戲中人，生命因為一個懷消息而發生翻天覆地的變化，家庭、生活、生理、心理，甚至身邊許多人都受影響。如何面對？都係三部曲 ：拒絕、接受、面對。戲中人選擇以樂觀幽默的態度應對，雖然未能改變結果，但正所謂，開心過一日，唔開心又要過一日，何必難為自己？平淡而真實的故事，可能會喺你我身邊發生，但願日後我都能夠如片中角色，有勇氣去面對自身處境或扶持身邊人。全片略長，平淡的一齣戲，要花點耐性睇完。
- Mar 23 Wed 2016 17:57
cafe Greenprint @太古城 (closed)
1/2016 光顧
去太古城誠品新店朝聖，唔想四圍行，就食店內餐廳算了，當試新嘢。店子裝修同書店風格一樣，自然簡約，睇雜誌先知原來同HABITU同一集團。食物標榜有機天然「you are what you eat」。餐牌精緻，似十足MUJI CAFE。又係細細碟，樣靚味普通，價錢唔平的中價餐廳，唔係太差，但試過就算，反正鰂魚涌果邊大把嘢食。
- Mar 22 Tue 2016 11:22
Artisan Room@西環
2/2016 光顧
唔係睇雜誌介紹，莫講話呢間cafe，連香港有條街叫「南里」都唔知，街名幾好聽。南里以前應該係寧靜小巷？不過地鐵通車後就變天了，因為地鐵站出是就係街口，咖啡店在新樓盤地下。樓盤應該係酒店式住宅，所以咖啡店都走boutique hotel feel。最吸引的當然係個露天雅座，因為條街未算多人，都有渡假feel。有sandwich 、pastry，所有食物的的式式，我無食。咖啡普通。
香港食食食 (25)
