離開Murano以後再往Burano,由於無預計到船程要差不多成個鐘咁耐,結果去到已經差不多5點,(懶做功課的後果)不過好處係人潮散去,因為落船時見到好多人排隊坐船離開。在船上離遠已睇到島上色彩繽紛的小屋外牆,加上好天氣,彩色小屋加運河再配上藍天白雲與倒影,整個小島就如童話世界的塲景一樣,我自己睇番d相都覺得好靚,心滿意足的一天。
快到達Burano 前,有兩個荒廢了的浮島
離開Murano以後再往Burano,由於無預計到船程要差不多成個鐘咁耐,結果去到已經差不多5點,(懶做功課的後果)不過好處係人潮散去,因為落船時見到好多人排隊坐船離開。在船上離遠已睇到島上色彩繽紛的小屋外牆,加上好天氣,彩色小屋加運河再配上藍天白雲與倒影,整個小島就如童話世界的塲景一樣,我自己睇番d相都覺得好靚,心滿意足的一天。
快到達Burano 前,有兩個荒廢了的浮島
從雪山下來,打算食午餐,可憐沿路餐廳都關門,連厠所都無個,大家唯有餓住個肚,睇風景飽。去到介紹係dolomiti 最美麗的湖泊Lago di Misurina ,到達時雖然好凍,吹微風,但有陽光已經感謝上天。個湖唔係特別靚,但因為遊人唔多,可以慢慢逛,呼吸著純淨的空氣,享受寧靜,好舒服。時間不會停頓,只好依依不捨地離開。原路折返,回到山頂,望住日落的晚霞,再次感謝上天賜我良晨美景。可憐駕駛員又要再經歷28個手臂彎。是日晚餐係大量澱粉質(pasta)加蔬菜湯,一於食埋下午嗰餐。
行下行下又天黑,駕駛員又要行廿幾個手臂彎落山,真可憐,為左慰勞佢,今晚決定出街食,屋主介紹的Pizza店又無開,求其在附近揾一間,估唔到又唔錯,飯後回家,又過一天。
回程,夕陽斜照
開車至小鎮 Ortisei已經下午3點,又係四圍揾食時間,由於餐廳的營業時間通常係11點至3點,下午6點至11點,所以去到Ortisei四圍的餐廳已關門。諗住就此離去,後來唔忿氣,兜番轉頭,入到鎮𥄫到有班人向同一方向行,立即叫駕駛員將車停埋一邊,我行入去八下,見入面好熱鬧,先至知原來我一直只係在鎮的外圍,泊好車後求其揾間餐廳開餐就算,因為食左幾日,對山區的餐廳已經無期望。食完飯在小鎮逛下,街道好精緻,似迪迪尼大街真實版,我地始終都係城市人,過左幾日多見樹木少見人的日子,嚟到見到有咁多精緻的鋪頭,只睇不買都開心。
小鎮外圍好靜,要到市中心至熱鬧