今日去左一開幕已想去的角川武藏野博物館，行完後原本想去銀座shopping，但居然遇到大雪！被困於無乜嘢行的商場內，乜都買唔到，叫做慳左錢。晚上去一早訂好的餐廳食飯，原本行過去十幾分鐘就得，但天雪路滑，行得好呢hea。飽餐一頓後諗住豪下叫的士回住宿，但太大雪，好多車都比人叫左，唯有踩住再濕濕淰淰的地下行去坐車。
第二朝天氣好番了，好彩無影響班機，團長跟我一樣係穩陣型，早三個鐘已到機場，令有旅遊緊張症的我安心哂。食完豬扒飯就上機了，感謝團長的安排及團友的包容，渡過左十幾日開心假期，有緣再聚❤️
角川武藏野博物館喺2022年開幕，賣點係建築大師隈研吾的作品，我唔係隈生的粉絲，但對今次建築物的設計及內裡的書架劇場好有興趣。
博物館就似一舊巨石坐落於民居中，似外太空來的殞石
建築物外牆係花崗岩板，好raw
隔離一座係餐廳，小賣店及辦公室大樓，好似摺紙一樣的樓梯同博物館相呼應
先上圖書館，館內的書街道陳列出專業團隊的選書，可惜我唔識睇
不同主題的選書，連書架都有display
旁邊有幾個展覽，呢個畫展係其中之一
再行入去就係簽名地 : 書架劇場。兩層樓高的書架圍住四面牆，好有立體感。
我只識睇呢本
定時有燈光表演
樓上係閱讀及休閑區，可以攞書上來慢慢睇，雖然呢個館要比入場費，但若香港有呢個館，我都願意定期比錢入去。
今次好幸運地遇到畫家達利的展覽，達利的作品內容天馬行空，好有趣，係我喜歡的畫家之一，所以睇得開心
而家好興的影像化展覽
介紹達利的生平，日本人喜歡將所有事情漫畫化，好可愛
動漫博物館，動漫迷來到一定好開心
非賣品
行完博物館，去對面食堂食午餐，好喜歡個小菜套餐，健康又好味，朋友點的咖喱豬扒飯都唔錯，加個tiramisu 甜品，平靚正。
食緊飯時已開始落雪，點知愈落愈大，步出餐廳已經係另一個世界
去到銀座無地方好行，唯有又坐低飲杯茶，凍到茶壺都要著衫
跟住冒雪行去餐廳，雪愈落愈大，好煩，我把遮都第一次用來遮雪，同佢影相留念
千辛萬苦就係為咗去食靚牛
食完出來繼續落，銀座都變銀色了
出左地鐵站仲要行一段路，已接近半夜，感謝團友仍陪我行七仔買零食
半溶的雪如泥濘一樣，又濕又污糟，我真係唔鍾意落雪😖😖
好彩第二朝已停雪，離開東京了，同雪人講bye bye
旅程中最後一餐係豬扒飯
留言列表
香港食食食 (25)
