Foodie 生活雜誌

今日開始左我不停讚頌團長的行程。話說乳頭温泉及藏王雪山係我睇左人地遊記N次，但從未想過去的地方，一來我怕凍，二來怕自駕危險。但團長有雪地自駕經驗，令我好安心，知道佢會去呢個地方，仲要訂到妙乃湯，即時二仔底死跟。到左白茫茫的乳頭温泉，買左温泉巡遊帖，試左幾個露天温泉，玩埋混浴，過足癮👍🏻

早餐喺Tully’s解決，今次無左明太子熱狗

進入雪國

乳頭温泉，我終於來了！

先去妙乃湯放低行李

嚟得乳頭温泉，一定玩湯巡 ，所以旅館會為住客準備毛巾包，方便浸浴。

先去休閒村乳頭温泉鄉買温泉巡遊帖，職員好慎重，鎖喺夾萬😝乳頭温泉有七間出名的温泉旅館可供日歸，浸完後蓋印，遂個解鎖，日本最興呢個遊戲，但其中會有旅館冬季唔開，有旅館裝修，巡遊帖有效期一年，若想儲滿，可能要來兩次了。

日本的記念品總係咁有心思

鶴之湯，我終於來了

厚厚的積雪，好凍

湯屋，有男湯、女湯及混浴。

見人哋的遊記影相出來好靚。現實其實好凍，温泉只有簡陋脫衣所，多人迫埋一齊，差點放嘢都無位。

鶴之湯，泉水奶白色（圖片摘自網上）混浴的温泉有女性專用通道直駁更衣室，通道有簾遮蓋，而池水係奶白色，若你唔企起身係絕對睇唔到你的身體，所以從更衣室落水後唔好企起身就得。我哋當日落到去遇到一對馬來西亞來的夫婦，男士同我地打左招呼立即行開，好gentlemen 👍🏻

記得去office 蓋印

飲品唔使用雪櫃

揸車去蟹場，我見到有人行路，只能講句佢真係好愛浸溫泉

無揸車唔使驚，温泉鄉有温泉巡遊巴士，不過跟班次，唔時間安排無咁靈活。其實除左鶴之湯較遠，其他温泉距離都近，但天寒地凍，喺室外唔係講玩

之後去蟹場温泉，由於比較遠，所以好少人，浸完內湯又浸混浴，不斷除衫著衫，結果留低左幅眼鏡，第二日叫酒店打過來問，居然攞得番👍🏻

湯屋

內風呂

外風呂，似喺森林內泡湯，好寧靜

再行五十米去野湯

似小紅帽見到森林小屋，不過入面無婆婆，只有一個浸左好耐温泉的持久男。話說去程時遇到浸完湯離開的團長，佢話只有一個男人在浸，已經浸左好耐，我地去到應該浸完，點知到我地浸完佢都浸緊，所以我封佢為持久男。

喺森林内一路睇住飄雪一路泡湯，最重要係有好友一齊分享，又一個非常棒的泡湯經歴❤️

點解係又？因為上次跟同一位好友喺冰島海邊泡温泉，遠距離睇到鯨噴水，同場加影呢張相係由駕駛員操刀的航拍作品

雖然呢個野湯泉水透明，但無乜人，加上有些少遮擋，所以同持久男可以各不相干

回程又要行五十米回湯屋

之後去大釜温泉，原本諗住唔再浸，因為除衫著衫實在煩，但好彩有浸，原來呢度的泉水下有泥漿，好得意

今次儲左三個印仔，一年內應該唔會再來了。