Foodie 生活雜誌

近年興glamping ，幾年前喺澳洲試過，地方好好，不過當時太大風，似走難，之後時興住波波，我今次又試下。波波內的裝修比我想像中豪華，但我租完之後至知無衞浴，諗住一晚半晚無所謂，試完之後，只能講句我青春不再，習慣左舒適的生活，就算有限度的要自己落手落腳去體驗都唔覺得有趣。重申一次，酒店係唔錯的，設備齊全，乾淨整潔，職員有禮貌又樂於助人，只係入住的形式唔啱我，係個人問題，與酒店無關。

波波旁邊可直接泊車，燒烤都喺屋旁，有洗手台

波波內部比我想像中豪華舒適

有本說明書，波波及營區內所有遇到的問題都可以喺書內揾到解決方法，簡單易明

波波內有齊煮具、餐具及清潔用品

雪櫃內有燒烤食物及明日早餐。燒烤夜晚食，早餐第二日自己做飛碟三文治，我當然無做

營區內有幾個臨時洗手間，好乾淨。今次我住的波波旁邊剛好有一個洗手間，唔使行咁遠

晚上燒嘢食

說明書有教點開爐，但結果都睇唔明，不過職員都會來開爐

全部食物

主樓喺門口，距離營區最近的波波約三分鐘步程，不過大部分人都會揸車，尚算方便

reception counter

洗漱用品，基本護理用品都有提供，進階的插頭、叉電線、開瓶器、咖啡豆都有

毛巾都有

休息區，提供wifi

可以玩board game

洗面間。波波內無衞浴令我有點頭痕，年輕時起身洗把臉，唔使十五分鐘就出門口，以前唔化，而家點都要化（妝🤪），一起身口腫面腫，重要攞住一大抽化妝護膚包去主樓，好彩係淡季，唔係就嚇死好多遊客，恐怖過熊之出沒。

有古董洗衣機

兩個沖涼間，有風筒供應

洗手間

往營區

營區在河邊，無乜景

附近就係滑雪場，揸車五分鐘可睇雲海，不過要太早起身，加上我8月喺雲南睇左，唔去了

晚上的波波，著燈後幾靚