Foodie 生活雜誌

今日又係移動日，離開昆明去大理，車程四個幾鐘。先去舊城買咖啡，昆明好大，除左花市，今次我基本上乜嘢地方都無去過，有機會要再來。呢兩日先去洱海海邊住兩日，之後至去大理古城。沿路經過洱海，景色好靚，影到唔捨得走，結果差不多入黑至到住宿，晚上喺附近小店食飯後就休息了。

舊城區，只夠時間影張相

榮迷咖啡店

我去呢間人氣店「日常coffee」。又一間小清新cafe，喜歡句slogan ：今天一定有美好的事發生❤️

開車了

午餐喺途中休息站解決。因室內無位，我地坐室外位，當時已有一枱年輕人食完嘢抽緊煙，見到我地即時起身走人，無煙到我地，我覺得而家國內人的素質真係好左好多

到lu

坐車同騎馬去都得😁

國內好鐘意影相上小紅書，個個鬥吸睛，愈影愈多花臣，近年興旅拍，呢度沿路好租車店，租架名車再揾埋攝影師沿路幫你影相，我見到架架百萬名車，要租幾多次至回本？

師傅帶我嚟呢度，諗住又係超級旅遊點，無乜好睇，點知原來係好地方

洱海真係好靚，佢其實係一個湖，因為大到好似海咁，所以叫洱海。湖水清澈透明，藍天白雲配上湖上浮花，整個畫面令我感到好平靜

湖邊有大量不同植物

當地人影相好多道具，我執平嘢借來一用

湖邊好多咖啡店

大理本身已夠出名，拍完電視劇「去有風的地方」之後，更火旺

個湖太大，由湖的一邊去另一邊居然要行高速，若我唔係包車，真係會以為司機兜路

來到預訂民宿，網上睇相好靚，原來似豪華版大嶼山塘福渡假屋，有點失望

房間外望係海景，但隔左條馬路，加埋條燈柱，大打折扣

餐廳連大堂，夜晚播張學友的歌㗎

晚上喺附近食飯，豆腐魚湯、薯仔炒雞，青菜，好啱口味

餐廳由當地白族人開，一家人前鋪後居，夫妻兩就係咁靠餐館養大小朋友，跟我地上一代的香港人一樣