close
1/2023光顧
久仰大名，擇日不如撞日，終於有機會食到。菜式多樣化又有心思，味道不俗，服務好好，近年裝修過，環境光猛舒適，可以再來。
手撕雞鴨脾
只有皮同肉，加入調味撈匀，脾肉嫩滑，啖啖肉，好味。
豬膶蜆煲
蜆肉鮮甜，份量足，豬肉切碎，加薑粒及酒煮成湯底，酒味重，朋友嫌薑多，我就ok。食完蜆後將餘下的湯放米粉食，米粉索哂湯汁，加埋豬膶碎，好食。
啫啫芥蘭煲
蒜頭辣椒爆得好香，配料有肉碎蝦干，食味豐富
羊腩煲
好大煲，羊件啖啖肉，連皮好肥美，配料好多，食極食唔完咁。
咸魚肉餅煲仔飯
真係唔得👎🏻似普通煲熟的飯，無瓦煲飯香。肉餅削，似落得太多水。得件咸魚最好味
全站熱搜
留言列表
香港食食食 (25)
