Foodie 生活雜誌

9/2022光顧

食開的蠔店關門大吉，要另覓新落腳點，去開飯網睇到呢間幾合眼緣，即管試下。生蠔選擇多，新鮮質素高，師傅開蠔手勢好，無乜蠔碎之餘仲起埋帶子，一叉就食得，好方便，侍應mark哥服務細心，價錢比之前食開的一間貴少少，但都好滿意，大家決定擇日再食。上網一睇，原來餐廳有好多分店，可能因為係咁，所以能夠貨如輪轉，入多幾款貨都得。不過熟食出品就好一般了。

生蠔有多款套餐，朋友計過條數，點左兩打蠔送一枝酒的套餐。套餐生蠔已定，初初見到有兩款美國蠔，有點猶豫，怕太creamy，點知又幾爽口喎👍🏻

咪以為我影來影去都係嗰盆蠔，其實係每上一盤影一盤，但影影下都無影，因為盆盆差不多😆😆

mark哥好細心，將我食過的蠔順序印哂出來貼喺枱邊，等我有得跟番，知道自己食左乜。結果每人食左13隻。

熟食就麻麻，食左炸春卷，炸魚薯條，用來晾下胃，諗住填肚的蜆肉雜菇意大利飯就完全唔得，唔覺有蜆，味道淡，似比一堆嘢你食咁。

係咁二叫個甜品算係完滿點，交貨的綠茶千層蛋糕，聊勝於無。係個碟麻麻地。

餐廳喺高街，成條街尤如食街，由街頭行到街尾，中西意法日餐都齊，餐廳細細

初入到鋪，見到生蠔放得咁零落，心冷左半截，好彩原來好多選擇，只係係無放出來。

餐廳仲有個後欄，可以搞小party 

總括來講，來餐廳食蠔就好了，我懷念生蠔及熟食都有水準的Casa Fina😭臨走時Mark 哥比左張九折咭朋友，朋友見到「吓」左一聲，我攞來睇下，不自覺都「吓」左一聲，因為實在太求其😆😆😆