Foodie 生活雜誌

9/2022光顧

多年前來過，印象奇差，覺得係呃鬼佬的餐廳，之後black list 左多年。最近先後聽到兩位朋友稱讚，又試下。今次對餐廳改觀不少，晚餐小菜精緻，味道不俗，價錢合理，地方清靜寬敞，枱與枱之間距離濶，感覺良好。

沙薑豬手粒

肉質柔軟，皮肉均勻，好入味，呢個我比好高分👍🏻

蜜梅京燒骨

咕嚕肉的家族，外皮酥香，咬落肉質肥瘦均勻，厚薄適中的蜜梅汁包裹整件肉，酸酸甜甜的開胃好味

家鄉生煎魚咀

魚頭大大個，好肥美，椒鹽薑蔥香煎，香口惹味，大家食到舔舔脷

欖菜玉珠

以冬瓜做成精緻的葡萄串，清甜的冬瓜內釀味道濃郁的欖菜豬肉，清甜的冬瓜跟欖菜味道平衡得剛剛好，睇得又食得的菜式

香酥釀蟹蓋

隔離飯香，見太后眼甘甘望住隔離枱個蟹蓋，小的當然立即做嘢。蟹蓋炸得金黃，蟹肉脹卜卜，加入忌廉及洋蔥焗，啖啖肉，不過食落幾膩。我同太后雖然鍾意食蟹，每次見到蟹的菜式就不其然點左，其實

大家都係喜歡成隻蟹食至食到蟹的鮮甜味，下次要提自己唔好再點蟹蓋。

鴛鴦糯米飯

又一精緻菜式。迷你煎糯米雞上係炸芋蓉，淋上紫米𣏌子做成的茨汁，幾特別，味道不俗。可惜食到呢度已經好飽，似乎未能嘗到真味。

敬送壽包

餐廳喺酒店地庫，地方清靜，古色古香