Foodie 生活雜誌

8/2022光顧

以前食粉麵，配料通常係雲吞魚旦牛腩，而家粉麵配料五花八門，藥膳雞、魚翅湯、老火湯系列都有，選擇多多，今次我食用蠔做主角的粉麵店。介紹話鮮蠔及金蠔來自自家流浮山蠔場，最特別係有金蠔，好少見。點左碗金蠔鮮蠔米線，質素唔錯，不過我嫌鮮蠔太細隻，同張相差好遠，老闆話要過左中秋至有肥蠔，下次再來，反正除左米線，我仲想試金蠔炒麵同蠔仔粥，配埋麻辣菜甫會更好味😋

鴛鴦蠔湯米線

鴛鴦蠔即係金蠔及鮮蠔。湯底清甜，金蠔蠔味濃郁，鮮蠔雖然細隻，但有比多幾粒，而且洗得乾淨，無腥味，湯內的韮菜花嫩口無渣，唔錯。配埋惹味的麻辣菜甫，好味😋

麻辣菜甫另上，麻香肉脆，下次配炒麵應該好正

金蠔湯米線

過左中秋再來，只點金蠔，都係細隻。不過聽到侍應同廚房講，昨日的蠔大隻點，真係要撞彩。

自選配料米線

自家蠔場介紹

蠔系食品

新菜式，好似幾吸引

見鋪面細細，硬住頭皮要搭枱，點知原來有閣樓，當日無乜人，坐得幾舒服

我鍾意食蠔，幾次經過都想試，但居然兩次都無開，原來餐廳逢星期一放假，不過有次星期六都無開，若特登去，要打定電話問清楚至好。