Foodie 生活雜誌

之前喺店家食過私房菜，水準不俗，當時已對食物包有興趣，但我好少煮食，所以無幫襯。但近來疫情之下焗住自煮，我唔鍾意食外賣，自己又唔識煮，煮來煮去嗰幾樣，又唔好食，加上平日無時間整餸，呢個加熱食物包就啱我。

食物包有多款選擇，湯類、小食、頭盤、主菜、甜品都有。二人份量，啱單身人士或小家庭。店方聲稱食物包無落防腐劑，唔會煮大量，一般只煮幾包，賣完再煮，所以算係新鮮。未食前放冰格，一般放兩三個月都無問題，食的時候可以整包放滾水中滾10-20分鐘，剪開倒出來就食得，店家話用既係可以高溫煮既袋，唔洗擔心啊。

由於食過師傅手勢，所以放心一次點幾款，由頭盤到小菜到飯到甜品都有，每次食都似拆禮物，已拆左幾包，味道不俗，會陸續同大家分享。

店方資料 ：

https://www.facebook.com/%E7%9A%87%E4%B8%8A%E8%96%88-Kings-EAT-104555738164695/

鹵水什錦拼盤 拼盤內有豬肚，雞腎，豬大腸，鹵得柔軟入味，份量夠二人食，真係喺冰箱攞出來直接放入滾水加熱後就得，食用方便，食物及賣相都無失真，價錢實惠，唔錯👍🏻

無花果海底椰鵪鶉湯，梅子鴨

無花果海底耶鵪鶉湯 湯頭有點淡，但勝在無味精，飲到椰子同肉味，建議加點鹽吊味。

梅子鴨 鴨肉柔軟有水份，對於食物包來講算係唔錯，梅子汁好有梅味，酸酸甜甜幾開胃，見到袋汁分開包，唔會浸到肉霉，好細心。半隻鴨，加條菜，兩餸一湯好靚仔

紅豆沙 紅荳頗多，煲到起砂，甜度剛好，雖然唔夠濃，但$28一盒，我收貨。芋圓係元宵限定，口感軟糯，但唔覺有芋頭味，造型係心心同melody，不過melody 面目模糊，唔係幾認得😆