close
9/2021光顧
餐廳有幾間分店，幾次經過荃灣店都想食，但又無乜信心，原來葵芳都開左，反正諗唔到食乜，又試下。又再確認我的感覺係正確的，雖然小店幾受街坊歡迎，遲下仲會細店搬大店，但食物出品實在麻麻，試過就算。
溏心蛋五香牛𦟌刀削麵 麵條有咬口，小師傅即場從麵團削出麵條，幾有功架，溏心蛋黃呈啫喱狀，不俗。可惜除左麵條及溏心蛋，其他都唔得。湯底睇到顏色都知唔對辦，湯頭淡，牛𦟌薄而無味，似廣東雲吞麵咁配羹蔥好似怪怪地，整體比menu上的相片差得遠。
師傅仔充滿肌力的手臂💪🏻
東坡肉菜飯 因為係open kitchen，睇住小師傅將成盒菜飯放入微波爐，叮熱後再從盒中裝一碗出來，盒飯唔知叮左幾多次🙄東坡肉唔夠稔仲有點乾，唔得。
泡椒豬手 又係乾爭爭，翻開豬手只見碟底得少少汁，豬手無乜味，硬得來唔彈牙。
全站熱搜
留言列表
香港食食食 (25)
