Foodie 生活雜誌

9/2021 光顧

介紹讚到飛起，話菜式色香味俱全，仲有日落靚景陪食，加上打去訂位時做緊奄仔蟹套餐，太后愛食蟹，當然立即預訂，好彩趕得及套餐最後一日供應期。餐廳環境開揚舒適，食物味道不俗但一定唔算好味到識飛，餐廳走中菜fine dinning 路線，擺盤靚。除左餐牌上的菜式以外，餐廳定期推出不同套餐，啱晒唔想諗的食客。侍應殷勤有禮，要垢病的應該係交通，實在太遠。

枱面擺設精緻

每張枱都有不同花飾

前菜  :  賣相一般，整碟菜有點乾，似放左一排至攞出來。乾撈蟹肉沙律，介紹話用鱈場蟹，只得一小住蟹肉，好似有無都無所謂咁，菜放得好亂。清酒煮鮑魚配青檸啫喱，鮑魚柔軟入味，配青檸啫喱好有提味作用，但稍嫌乾左d。炸蝦唔使講，睇到個炸漿都知出事，好彩食落唔算成口粉。從呢個頭盤就覺得廚師雖然想學西菜的精緻擺盤，但出來的效果有點東施效顰，未到位。

黑豚蟹肉蒸石榴果 用蛋白做成的皮包住黑豚蟹肉，可能皮太薄，撐唔起，石榴果扁左落去，食味一般。

金腿蟹肉雪膠冬冬茸羹 味道徧咸，侍應問我好晤味，我照直講，佢一腳不可思議的表情話 : 無聽人咁講過，我笑笑口話可能我味蕾有問題。

準備食蟹，工具一字排開

花雕雞油蒸奄仔蟹或鹽焗奄仔蟹 比著平時我一定點鹽焗，但太后係後悔會會長，只點一樣一定滿足唔到佢，所以我點哂兩款，多心的佢開心哂

奄仔爆哂膏，夠鮮甜。

花雕蛋白始終流失左d蟹味，但我之後用來撈飯補返數

荷香蟹肉黃金叉燒飯 食到呢度已好飽，個飯都叫炒得幾香，撈埋蛋白食更好味。

綠豆爽加紫薯一口酥配甘露綠茶

甜品未上之前，見每一枱的甜品都有乾冰噴煙仙境feel，滿心期待，點知套餐的甜品係無煙的。侍應見我失望，居然送左個出煙的揚枝甘露比我，真開心

餐廳地方濶落，一大列落地玻璃，賣點係日落景色，但我當日睇唔到

另有徧廳

可以包房

交通方面，最方便係揸車，若坐公共交通工具，可坐港鐵轉機鐵，喺博覽會站一出上一層就係。記得買來回車票，因為即日回程係免費。若逗留超過一個鐘，仲可以回贈$18，詳情請向港鐵職員查詢。若仍然嫌貴，可以好似我咁，坐港鐵到東涌站轉E線巴士入，請自行查詢巴士路線。

餐廳喺東面，若坐巴士，記得喺西面入口入左館先，再喺館內行去東口，咁就唔使行外面日曬雨淋了。