close
7/2021 光顧
我的灣仔美食刺針朋友話呢間小店的出品唔錯，有我喜歡的豬膶，過來一試。食物唔錯，但我更留意的係小店整潔衛生，樓面個男仔好有禮貌又勤快，無一般粥麵店的老氣。
豬膶鯪魚球粥，有葱花同油炸鬼，感覺認真
碗粥好足料，豬膶厚身爽口，鯪魚球有咬口，粥底幾綿，唔錯。朋友話鍾意鯪魚球有啲陳皮味，但我味蕾鈍，覺得個味唔算出。
桌面整齊乾淨，筷子筒仲有袋笠住，好細心
每次見到粉麵店有杯水及小碟提供都會加分。食嘢的時候唔多鍾意飲其他飲品，一杯清水就最好。有隻小碟裝住醬油，唔使直接放入碗麵內，味道分明。
小店以前叫九記，轉手後叫新九記，舊店未食過。餐牌上好多食物都想試。
全站熱搜
留言列表
香港食食食 (25)
