Foodie 生活雜誌

5/2021光顧

好喜歡大埔區，間中會入去行下，成日話老左要移民大埔🤣 區内好多小店，呢間之前經過話想試，結果兩年後至食，等做我生意就死得。小店好的式，裝飾得好有心思，好有日本車站居酒屋feel，餐點選擇多，串燒、一品料理、鍋物，乜都有d。食物味道偏濃，出品一般，但勝在氣氛好。小店熟客多，老闆娘爽朗熱情，成晚滿塲飛，又請飲酒，同客人似老友聚餐，好有小區風情，餐廳提供包塲服務，萬三蚊最低消費都好多人包，大埔區的消費力真強👍🏻 

串燒醃味偏濃，睇顏色都知，又加芝麻又加七味粉，唔係我的口味

清酒煮蜆，燒魷魚筒，大埔街市買海鮮方便，所以小店提供的海鮮料理食材都唔錯

食串燒點都要啤一啤。

老闆娘請飲清酒，呢枝入口好滑，味道清甜，不過米香唔濃，但幾啱我口味，結果都買左一枝，老闆娘的行銷策略成功。

話說當晚回家後諗諗下張單點解比想像中貴，莫非杯酒係要比錢？

小店半開放式，夏天會關窗開冷氣，放心，地方細細，可以坐二十人左右，啱晒包場

可能因為店主喜歡飲，小店來講都算有頗多清酒選擇