Foodie 生活雜誌

11/2020 光顧

餐廳以燒烤稀有牛肉部位為賣點，賣日本牛，無話邊個県出產，總之就係和牛。有Omakase套餐有散點，Omakase 包括多款特色牛，我點左套餐「極」，有七款牛及一小碗海膽飯 。我分唔出牛肉邊part打邊part，侍應燒完我就食，牛肉質素高，每款口感不同，配合不同調味及食法，整體不俗，食得飽。餐廳地方舒適，員工友善，講解清晰服務好。不過連平日用餐時間都限時105分鐘，好似食得好趕咁，呢點亦係令我唔會再回頭的原因。

牛油生菜配海鹽合桃，簡單沙律，好味

手工啤同生啤，我始終嫌手工啤唔夠氣

幾款醬汁

每次燒牛之前都要用牛脂刷鐵板

先來三款牛，薄片、厚切、肉粒，不同口感，肉質亦不同。

其實個餐係要自己燒，但我怕自己手勢唔好，浪費左d牛肉，所以請店員幫我燒，雖然店員話要有時間至可以幫我，但結果九成都係佢燒，算係咁。另一間分店係有燒唔服務，價錢當然更貴。

大大塊薄牛，好柔軟，呢款浸木魚花湯食

最後係厚切牛扒加海膽飯，食完呢個乜都飽

我每次食燒牛都要食牛脷，雖然飽，但都要點。可惜呢度係薄切，一般

經理好人，見我影相，特別開番棧燈比我，餐廳有吧枱位及卡位。餐廳平日只開晚市，疫症期間間中有午市，要打去問，但午市限食一小時，晚市就個半鐘左右，而家食餐飯成千銀都要限時限刻，真無癮，怪只怪自己犯賤，仲要幫襯😩😩😩