晨早五點幾到perth 機場，先過關，要知道澳洲海關較嚴，我地雖然唔使開喼查，但排左兩轉隊都用左大半個鐘。攞車時又因為攪錯型號，要再安排，結果出到市區已經8點幾，剛好係早餐時間。澳洲的cafe文化我一向甚為欣賞，除左咖啡好之外，食物亦可口，皆因食材新鮮，雖然來來去去都係芝士麵包雞蛋牛油果蘑菇，但唔知點解都好多變化，食得好開心。食完早餐後，自駕遊正式開始。開車往今晚住宿的Geraldton鎮，沿途見到啡色的景點牌就入，亂點揀左個’Two Rock’的景點，行完都唔知景點係咩，結果去到商場門口見到張相就明哂。中途喺超級旅客餐廳Lobster Shack 食龍蝦做午餐，估唔龍蝦鮮甜彈牙，幾好食。飯後再上路，去完超市入貨已天黑，先生太太在飛機上無覺好瞓，先生要揸左成日車，太太又要下廚，辛苦哂。
資訊 :
La Veen Coffee
Address : 90 King st. (Cnr. Wellington st.),Perth WA 6000 , Australia
Lobster Shack
Address : 37 Catalonia St, Cervantes WA 6511, Australia
一早落機，好攰
先醫肚，La Veen Coffee ，在perth 的CBD, 聽講幾出名，餐廳在歷史建築物內，感覺有型。
同好多cafe 一樣，有自家logo，咖啡出品
Pastry， sandwich 等在廚房即製，款式多，賣完換另一款，隨意地於玻上寫上食品名稱
Omelette,egg benedict, bagel, avocado on toast，久違了的美味，香港食唔到。
正式踏上自駕旅程
先去亂選景點 : Two Rock，點知見到個遊艇會
小朋友有理無理，狂跑放電。其實對於小朋友，去邊度唔重要，最緊要係空間
好特別的植物，成隻天鵝咁。
原來two rock 係海上的風化石，我有見到，但連舉機影相的興致都無，跟住發覺西澳沿岸有好多類似風景。
午餐在Lobster Shack
基本上全部顧客都係連亜洲人，似乎大家都喜歡龍蝦。幾大間，室內室外都有坐位
天氣好更可以坐海邊雅座
餐牌
有中文㗎
可能亞洲人多，龍蝦餐有飯跟。另外龍蝦漢堡都好味，真材實料啖啖龍蝦肉，薯條炸得香。反而筒蝦麻麻。
可以外賣回家自己整
又見到特別的植物，葉子有點肉肉的
飯後又開車，經過白色沙丘，從前未見過的自然景色
又見特別植物，一棵小樹有枝天線一樣的枝伸出來，好得意。
行左好耐公路，終於到城鎮，先去超市入貨，兩位靚媽似放監，狂買。
去到住宿天都黑哂，G神指呢條路，感覺詭異，所以先生每每盡踩，希望入黑前可到住宿，但往後的行程都係做唔到...,,
留言列表
香港食食食 (25)
