close
8/2017光顧
喜歡去舊區揾食,睇雜誌介紹而來,小店在油麻地舊區群中,客人都係附近街坊,以單身漢為主,非常「地道」。小店面積好細,只有一排靠牆位加一張小圓枱,好迫夾,要食環境就咪來了。街坊小店,洋溢温情,我估係一家四口經營。提供家常菜,湯水涼茶小食甜品乜都有,無餐牌,菜式全貼在牆上,有好多隱藏版,非常温柔又有禮貌的年輕人會介紹是日精選,你想食的都可以自己開口問下有無,非常隨意。最重要係大件夾抵食,兩條友,有湯有菜有雞,埋單唔使一舊水,足料得來味道又唔錯,詳情請見內文。我儍儍的問年輕人咁多款食物點預備得切?年輕人温文一笑地答我湯水涼茶同糖水每日只供應一款。
半隻咸雞加白飯 咸雞入味,肉質唔錯,肥瘦適中,雞下墊左生菜,再配一碗大白飯,只收$55,抵到喊。話說我入到店內見老闆娘食緊碟雞幾靚仔,多口問句,佢話係咸雞,正中下懷!即刻幫我落半隻雞加一碗白飯。當我催促友人快快選菜落單時,佢話夠食,我仲串佢 :$55碟飯有幾大吖?之後老闆就好似聽到咁立即放低碟雞。原來幾大碟,好彩無點多樣。
是日例湯係我最愛的豬肺湯,二話不說整番碗。當然唔會係飲開的杏汁或菜乾,而係小時候太后煲的羅漢果紅蘿蔔,濃濃的家常味。$20一碗。
想點碟炒菜 温柔年輕人話我食唔哂,叫我點油菜好了。白菜淥得柔軟,加南乳豬手汁。$12
是日隱藏版 : 蒸蟹。一隻隻似玩具放門口任揀,約$80一隻
一眼見哂,小圓枱在右面凹位
另一邊靠牆位置
全個牆都係餐牌
湯同糖水每日只提供一款
全站熱搜
留言列表