2017澳星馬遊簡報 : 

 

今次全程親子遊,行程只有大概,訂好住宿就沿路行到邊玩到邊食到邊,四個大人加三個年齡由四歲半至六歲半的小朋友,(歲數要準確,否則會被小朋友立即更正)。結果我地在澳洲近距離接觸塘鵝、樹熊及袋鼠,每日享受到藍天白雲好天氣,睇到彩虹及夢幻的銀河,去左幾個好好玩的免費公園攀爬,睇過美麗的海灣、壯麗的山谷,坐過刺激好玩的纜車,食過新鮮的食材,在星加坡去左唔使排隊任玩的legoland,再加上每日可以睇電視、打機、開懷大吃零食、雪糕、飲果汁,一個完完全全屬於小朋友的假期完滿結束。

 

十五日十三夜的澳洲星加坡之旅,行程分兩段,澳洲自駕遊路線為 : Brisbane - Gold coast - Port Macquarie - Blue mountain - Sydney

 

*要注意Gold coast - Port Macquarie 及 Port Macquarie - Blue mountain 兩段車程非常長,由早揸到晚。設計行程時因爲唔想晚晚不同住宿,希望每個地方留三日兩夜,所以先苦後甜,有呢個安排,建議若用呢個行程,Port Macquarie 同Blue mountain要各留三晚,否則就會好似我地咁,到達目的地已晚上,少左一日時間玩。

 

IMG_0493.JPG

 

新加坡路線 : 遊馬來西亞legoland 及新加坡市內遊,好hea。

 

IMG_0492.JPG

 

**天氣 : 7月尾8月頭的澳洲天氣就如香港的深秋,氣溫約十至二十度,早晚較凍,下午有太陽就温暖。在藍山的兩日較寒冷,早晚氣溫只有6、7度。太陽極猛,極乾燥,但總括來說係非常舒適的天氣。

至於星加坡,一個字 : 熱。馬來西亞的legoland,三個字 : 好很熱!

 

**衣著 : 澳洲日間我每日uniqlo 短袖heat tech 打底,薄長袖tee,早晚加件薄fleece 就得。上藍山要著羽絨。新加坡就有咁少得咁少就得。

 

**食 : 全程行到邊食到邊,亦有自家煮,澳洲的食材新鮮高質素,超級市場買食物再經簡單烹調已經好味。食過中菜同日本菜的小館都好味。cafe 的餐點更加係我最愛,每日牛油果醬班尼迪再加杯flat white,肥左成個碼。

星加坡的食物我一向無特別喜好,可幸今次地膽介紹左幾間餐廳,味道不俗。

 

**住 : 今次住屋安排都係景點之一,全部租大屋,小朋友活動空間充足,有幾日更加係晚出早歸,盡情享受屋內設施。所有住宿經Airbnb租,設施齊備,全部滿意。最重要係有洗衣機,帶少好多衫。

 

IMG_0495.JPG

(幾間大屋外貌)

 

**交通 : 澳洲全程自駕,機場攞車還車,Hyundai Imax 8人車,夠大夠闊,四個大人兩個小童car seat都唔會太迫,仲可以裝大量行李,高度推薦。十日油費約$320澳幣。

IMG_0494.JPG

(最最重要的座駕)

 

IMG_0496.JPG

 

(兩面開門,方便兩位小老闆上落,唔使爭)

IMG_0497.JPG

 

IMG_0498.JPG

(前後各一car seat 分開唔好煩)

IMG_0501.JPG

(最重要係裝到行李,去時4個29吋大喼加三個handcarry,回程再加5個handcarry共12件行李都放得落,咁當然後排椅背要直,但都可以接受。)

 

**星加坡機場往返同legoland都係包車,其餘坐地鐵。包車三日 ,包括機場往orchard road 往返及Legoland往返,豪華七人大車,合共$420坡幣。聯絡人 :Kent 電話 : +65 97375607

若只要機場接送,可考慮直接找David ,電話 : +65 86120091

兩者皆可what's app 聯絡。我都係朋友介紹,用過服務滿意,無廣告成份。

 

**電話卡 : 當然又係鳴謝駕駛員為我準備。澳洲用中國聯通電話卡,除左公路上接收唔太穩定,其他地方都無問題。新加坡及馬來西亞用true move,網速較慢。兩張咭都係一插即用。鴨記價$170及$80。

 

IMG_0499.JPG

 

 

 

 

 

 

 

 

 

 

 

 

 

 

 

 

 

    全站熱搜

    Hearoom 發表在 痞客邦 留言(0) 人氣()