Foodie 生活雜誌

今日離開Dubrovnik，先去Mali Ston食生蠔，再去附近的小城Ston行個圈，之後就出發去碼頭坐船去離島Hvar。今日天氣好好，太陽高高掛，曬到儍，歐洲係乾熱，温度雖然高，但若果無太陽曬住又唔覺得太熱。

再見了，美麗的Dubrovnik古城

沿海走，有好多美麗的海灣及沙灘，有時間可四處走走

見到蠔場，即係快到Mali ston了

來到Mali ston，艷陽高高掛，煎蛋都熟

海水清澈見底，蠔場之選

主角係食蠔，因為來得早，另外兩間靚餐廳未開，唯有幫襯類似西貢全記的餐廳，老闆好social，不過食物一般。

Mali ston產的蠔圓身，重金屬味，有點似belon，因為未入季，蠔較瘦，但我地都食左三盤

食完行過圈就走

離開時晴天霹靂，番到㗎車度見到阿姐剛開完罰單，想截都截唔住，但我明明買左票，問個究竟，原來駕駛者攞錯左信用卡單放車面，結果當然無用，好彩罰單唔算貴，盛惠11.9歐。仲可以即時付款，唯有當經一事長一智，下次醒目啲。不過罰單好公平，今日喺呢區內都可免費泊車，所以我去ston都唔使錢泊車，放張罰單喺車頭就得

見有時間，再過埋Ston。一個小城，有鹽田、museum，仲可以行城牆，但我因為要準時上船，乜都無做，行個圈到此一遊就算。

鹽田

城牆，行完保証中暑

Drvenik gornja vala port，坐汽車渡輪去Hvar

因為要排隊上船，建議最少早一小時去排隊，我早成個鐘去到到排哂隊了

船票最好預先喺網上買，有好多不同航線，淡旺季船期不同。車及人分開計，好似我地咁四個人，買飛係一架車，四個人。注意買飛時要入埋車的型號及車量長度，亦可現場買票，一樣要提供車size。

碼頭喺小港灣內，你可以排隊後鎖車，四圍行下

船到了

上船了，泊好車就上樓上坐

樓上座位有室外有室內，有洗手間及小賣部，就似香港的離島小輪

40分鐘船程就到。

上島後仲要再揸成個鐘至到pension

我成日訂的地方都好偏僻，今次又考駕駛員牌，小村莊內跟極窄，要揸得好小心

pension喺村落的山坡頂，GPS都揾唔到，幸運遇到當地好心人，幫我哋打電話比屋主來接。

呢三晚就住石屋了