Foodie 生活雜誌

今晚住美瑛，距離旭岳唔使一個鐘頭車，但我想睇花，要知道九月的北海道花季已過紅葉未到，選擇已經少，加上美瑛富良野的花園都去過幾次，揾來揾去，見到號稱日本最大級的太陽の丘えんがる公園有波斯菊花田，但要揸兩個幾鐘車，來回要五個鐘，心裡十五十六，但永遠支持我的駕駛員二話不說，叫我唔好想太多，想做就去做。結果雖然除左早餐之外，午餐只得一杯雪糕，但可以去一個未去過的地方，都係開心事。入夜至去到airbnb木屋，因為無包餐，要出市區食，美瑛的晚上非常靜，好多店都無開，好彩友善的屋主一早為我地訂左餐廳，飯後回木屋休息了。

喺旅館食完豐盛早餐後出發，當然又到揾咖啡時間，經過見到呢間木屋幾靚，原來一間賣襪，一間係cafe，日本真係好多呢類心思小店

運動服裝店，但以賣襪為主，有個小工作室，線襪顏色好靚，當然要買番對

旁邊係咖啡店，小小木屋好精緻

內裡有暖爐，自家烘焙咖啡豆，大大隻窗，好舒服的空間

秋季，未有紅葉但有金黄稻田

行下停下，結果要兩點至到

同好多日本花園一樣，花園佔左一個小山頭

年幾大，唔行得咁多，比錢坐車仔上山坡頂再行落嚟，司機好有心機介紹不同的波斯菊，可惜我唔識聽。

聲稱園內有超過十萬朵波斯菊，仲有太陽花

不同顏色的波斯菊田。

最特別係呢隻，花香係朱古力味

日本都好興打咭位

太陽花田上的心心

離開前，職員送我小花束

終於放飯，可憐的駕駛員只得雪糕一杯

往美瑛途中的日落

晚餐喺當地居酒屋，好彩有訂位，雖然餐廳有位，但我見之後遊客模樣的客人佢都無接，可能怕溝通唔到？

餐廳似深宵食堂，求其點d，食物普通。

晚安